يالله بيـومٍ عبيـر الجنّـة انفاسـه

جيداء الوادي · 13-07-2014, 04:22 PM

يالله بيـومٍ عبيـر الجنّـة انفاسـه

اسعد الله جميع اوقاتكم بالخير والمسرات

الجاهل اللّي بنفسه يجهـل قياسـه

مالي شغل فيه لا حسنـه ولا سيـّه

يادوب صحصحت يافكري وهوجاسه

ياشهر عاشور مانته عاشر ضحيـّه

جمل هل الشام بانيابه وباضراسـه

مليون مسلم عشا لعيـون شوعيـّه

له من تنكّاسـةٍ وش مـن تنكاسـه

يسقط نظـام الشيوعـي والعلويـّه

اطفال شعبه حمسهم وسط محماسه

البطش والظلـم دستـور الغجريـّه

يجري بدم الخبيث الخبث وانجاسـه

مايخدم ابن الحرام الاّّ الحراميـّه

دولة فلسطين منكوبـه ومنحاسـه

على يد ابن الفسَد خمسين خمسيـّه

يالله بيـومٍ عبيـر الجنّـة انفاسـه

يسقط عميـل المظـلات الصليبيـّه

نطوي ملف طبع حبـره بقرطاسـه

نحييبهـا السنّـه الغـرّا النبـويـّه

على يد اللي لياشاف الخطرداسه

زعيم الامه وفاروق السعوديّه

على يدين ابو متعب ينجلي باسه

يحرر القدس من ظلم اليهوديّه

خادم بيوت الحرم ومطوع الساسه

راسٍ يروس القيادات السياسيّه

على مزون السحاب الغر مجلاسه

النصر والعز في وجهه مواريّه

الشاعرهايف العطاوي