أبيات لم تكتمل

[محمد الفرحان]

.

.

يبقى الوفا عنوان دربٍ مشيته = والله ماأمشي دروب النذالة

انت الوحيد اللي بعمري هويته = وببقى معك وافي على كل حالة

..

[محمد الفرحان]

.

.

تعال شبعني ترى داخلي جوع = الحق علي قبل تعشى من الهم

..

[محمد الفرحان]

.

.

في هالزمن شفنا رخوم وسرابيت = تعبث بتاريخ النبي والصحابة ...

..

[محمد الفرحان]

.

.

خبري بها نلعب عروس وعروسة = وبزرانها هاليوم طقوا عيالي

ياكم عطانا هالزمن من دروسه = ولا استفدنا من دروس الليالي ..

..

[محمد الفرحان]

.

.

ماقدرت اوصَفِك شعر وقصيد = كلما جيت اكتبك ضاع الكلام

وصفك المشهور عنك والأكيد = قلب أبيض في زمن كله ظلام

..

[محمد الفرحان]

.

.

حنا شعب سكران من دون خمرة = مافيه داعي يجتمع خمر وسكار

سكرة طناخة باستمارة ونمرة = ناقف بوجه الريح والفلك دوار

..

[محمد الفرحان]

.

.

كل النساء قلوبهن مثل الاطفال = حتى العجوز اللي غزتها التجاعيد

العاطفة فيهن على كل الاحوال = لجل الزمن يمشي بلأي تعقيد

..

[محمد الفرحان]

.

.

يبقى الطفل في داخلي يطلب اشياء = من ضمنها نظرة ولمسة حنونة

يبغى يحس بموقعه بين الاحياء = وفي كل اوقاته يمارس جنونه

..

[محمد الفرحان]

.

.

جلسة على شط البحر بآخر الليل = مااتكتمل الا بحضرة جنونك

ياأجمل احساسٍ جرفني كما السيل = تعال متعني بشوفة عيونك

..

[محمد الفرحان]

.

.

عجزت اداري لهفة الشوق واخفيه = كلي نطق بالحب الا لساني

والله احبك حب مااقدر احكيه = لجله اشيل الهم واسهر واعاني

..