أبيات لم تكتمل

[محمد الفرحان]

.

.

ماهي سعيدة من تزوج بشاعر = نهاية الرحلة عذابات وجنون

لنه بشر حساس كله مشاعر = وقلبه خضر يميل مع كل مزيون!
..

[محمد الفرحان]

.

.

اقسى شعور تواجهه في حياتك = ماينوصف الا بعبرات ودموع

[محمد الفرحان]

.

.

الحب حاجة من الله مالها اسباب = والكره نتعب وحنا نعدد اسبابه

[محمد الفرحان]

.

.

الموقف اللي فيه تنزل دموعي = لاشفت بعض اشيا قديمة لأمي

تنزل دموعي غصب ماهو بطوعي = وانا الذي دمعي مساوي لدمي

..

[محمد الفرحان]

.

.

بنت البدو تزرع بدنياي آمال = وابوها راعي ذود ماهو مزارع

تسقي بساتين الغلا دون اهمال = وتروي خفوقٍ بالهوى صار بارع
..

[محمد الفرحان]

.

.

تكفى ولو كانت تهز الرياجيل = تراها كلمة ماتهز الصبية

بليز ماهزت رجالٍ حلاحيل = لكن توقِف شعر راس البنية!

..

[محمد الفرحان]

.

.

ضاع الكلام وابتدت رحلة الصمت = على سكوتي سامحي واعذريني

[محمد الفرحان]

.

.

ياقليل الخاتمة صبرا جميل = مادرينا عنك والله مستعان ..

الوفا في دنيتك شيٍ قليل = والنذل في داخلك ارخى العنان

..

[محمد الفرحان]

.

.

من منطلق تقدير شخصي لذاتك = وتقدير كامل للوصل والزمالة

قررت احقق لك جميع امنياتك = وارد لك كل النذالة : نذالة

..

[محمد الفرحان]

.

.

تعال نعلنها بلا أي تعقيد = اقول للعالم بأنك حبيبي

واصير قدام العرب : جايب العيد = حتى ولو ماتنكتب من نصيبي ‎‫

..