كل عامٍ وانت تنعم ياوطن بالخير

[حسين النجراني]

السلام عليكم ورحمة الله وبركاته

كل عام وانتم والوطن بالف خير وامان

هذه المشاركه بمناسبة اليوم الوطني للمملكة الواحد والثمانون ولو انها جاءت متاخره ولكن حب الوطن كل يوم ونحن نعيش في هذا الوطن الحبيب اعياد كل يوم والحمد لله في ظل حكومتنا الرشيدة بقيادة خادم الحرمين الشريفين حفظه الله ورعاه

كل عامٍ وانت تنعَم ياوطن=بالرّخا والحب والخير الوفير
في ذرى اللي له مكان وله سكن=في قلوب الشيخ والطفل الصغير
حُب شخصه في ضمايرنا مِكن=لين شّيد له غلا ماله نظير
راعي الوقفات في يوم المِحن=دون شعبه رافع السيف الشطير
خادم البيتين كاسيها امِن=بعد امان اللي على خلقه قدير
ياقصيدي لو طلبتك لا تِمِن=فِلّ جنحانك وسابقني المطير
وخلّ خيلك لا قيود ولا رِسن=خلّها ترقص على انغام الاثير
ورتب ابياتك وعبّر ماتِكِن=صدور شعبٍ ما يهابون النذير
وغنّ يا شادي مواويل وشِجن=وانفحي يابنت بالليل الغزير
ما لحبك يا وطن سعر وثمن=لو تروح ارواحنا ما هو كثير
دون حدِك مستحيل ولا ولن=نسمح يِدنّس ترابك من حقير
لو شكيت قلوبنا لاجلك تِئِن=ننثر دمانا على جالك غدير
لا تخاف يجيك ظيم ولا غبن=دام ابو متعب على الكرسي يدير
صدورنا درعك وراياتك كفن=لا دعانا الموت في اليوم العسير
والله انك في دمانا مِستِكِن=ما نخونك لو يصير اللي يصير

وكل عام وانتم والوطن بخير وامان


الشاعر/ حسين علي النجراني

[الكايد]

صح لسانك
قصيده جزله من شاعر جزل
لاهنت وتقبل مروري

[العف الخجول]

لا اعرف ماذا اكتب في سطوري وكل
الكلام الجميل بانواعه لديك مكتوب فيكفي
من كل قلبي اقول لك تسلم اناملك

[قديم الشوق]

شاعرنا / حسين النجراني

صح لسانك ودام توهجك وحسّك الوطني

قصيدة وطينة مميزة ورااائعة ومعبرة تتحدث عن شعور كل مواطن

من شاعر قدير ومتمكن

الله يعطيك الف عافية

وحفظ الله وطننا الشامخ من كل متربص

وفي انتظار المزيد من هذا الإبداع

وتقبل فائق تقديري واحترامي

[سحر الحرف]

لا فض فوك شاعرنا الراقي

سلم القلم وسلم راعيه

دمت لنا مبدعاً ووفياً لمنابع العطاء