عــزفــ الاحساسـ

[مشاهد العتيبي]

الليل ومداعب النسناس ومقابلك=وجديلك اللي يلاعبه الهواء ياهواي
تشتاق لمصافحه يمناي واشتاقلك=وشوي ومع السوالف لين باقيك جاي

[مشاهد العتيبي]

ام الغلا والدلع وام الحلا والدلال
.................. لامرت القلب خلوها على كيفها

تعبث وتلعب ماهولجل انها بنت ال
...................لجل اني احبها واعشق تواصيفها

[مشاهد العتيبي]

لياليك يامضنون عيني سعد وافراح
................عسى الله يتمك بالسعاده وبالصحه


ولاشفتي سالي ترى ماني بمرتاح
................. ليا هون القيلون سرتني الكحه


متى اشوف زولك لو رموشك سهم ذباح
................. ولكن ياشح الزمن فيك ياشحه

[مشاهد العتيبي]

[مشاهد العتيبي]

خلوني اسج لو طالت بي السجه
............لعل هم الحشاء يطلق كلبشاته
مظلوم لكن ماعندي ولاحجه
..........على الزمان الصعيب وكثر صكاته

[مشاهد العتيبي]

[مشاهد العتيبي]

اخر ركاب الليل بحضور النهار
>>>>>>>> تقفي بكل احلامي اللي عشتها
اعيش قبل تروح سيد للقرار
>>>>>>>>>وراحت حلاوتها ماكني ذقتها
احلامي اللي طيرها رفرف وطار
>>>>>>>> اناجي الامال كم احتجتها

[مشاهد العتيبي]

ياصدري الضايق وياوجهي اللي
ــــــــــــــــــــــــ باين عليك الحزن والهم والخوف
مؤمن واخاف الله واسبح واصلي
ــــــــــــــــــــ لو ان جيش الضيق له بالحشاء لوف

[مشاهد العتيبي]

عاش من شاف سود النجل والبسمه
ـــــــــــــــــــــــــوالمعنق شبر والخصر والردفي
والجدايل يلاعبها هواء النسمه
ــــــــــــــــــــــــوالشفايا جمر من حرها تدفي
والنحر بين زود ونقص والقسمه
ـــــــــــــــــــــــجعل مولاي يقسمها قبل حتفي
نعمةٍ ماتبي من بعدها نعمه
ــــــــــــــــــــــ بس ليت السما من عجها تصفي

[مشاهد العتيبي]

يا(عساك) بخير ياللي دمع عينك=من كلامك واضحٍ لوكنت خافي

ماشكيت ولا حصل بيني وبينك=كلمةٍ تنبي عن اللي مايشافي

يانحيل الخصرديني مثل دينك=رحمة الله فوقنا والقلب صافي

بس من حزنك ومن كثرة حنينك=قلت من جور الزمن فيه اختلافي

هيضتني كلمتك تنخى سنينك=والقلوب العاشقه دايم سخافي

هد جعل الله يرحم والدينك=وقتنا التالي ترى حبه عوافي