نـسيتيني!...تناسيتي!!

[عبدالله العويمر]

قديمة تتجدد بكم

لك الله ياقصيدي لاطرالي ماضي سنيني=أشوف بناظري طارت لدفتر شعري اسرابك
واقولك واعرف اني لو تباطيتك تبي تجيني=أعرف انك على ابوابي مثل ماني على ابوابك
ولكن باسألك جاوب إذا هو عاد يمديني=أقولك يالقصيد ويستمعلي حولك احبابك
إذا هم يسمعوني ياقصيدي ناس تبكيني=أبي تسأل عيون اللي بكوا : وش كحّل اهدابك؟
تفارقنا ودمعي ياقصيدي حاير بعيني=مثل هاك الغريب اللي سأله الشوق : وش جابك؟
ورحت ولكن اشواقي بقلبي ، شلت بيديني=وثاقك ، آه لو تدري ، كتبت الشوق بكتابك
ومر العام بعد العام واشواقي بقت فيني=ثمان سنين وانت اللي خفوقي دوم غنّابك
حفظت من الغلا شوقي وعهد ٍ بينك وبيني=وطيف ٍ لاطرق باب العيون تقول : حيّابك
ولحظه كنّها نار ٍ بوسط القلب تكويني=بها تم الوداع اللي نعيت الكون بغيابك
امانه يالعيون اللي بكيتي ليه تنسيني؟=وانا منهو رخص كل العيون وكلّها اسبابك
تكحّلتي لاجل غيري ، قدرتي كيف تنهيني؟=وانا اللي كنت بعيونك أنام الليل واصحابك
نسيتيني ، تناسيتي !00أكيد انك قتلتيني=قتلتيني بعد ماكنت قبل الموت أحيابك
أمانه ماقريتي لي قصيده يوم تنعيني؟=بعد ماكانت ابيات الغزل دوم تغنّابك
بعد ماكنتي أجمل مامضى من سالف سنيني=بعد ماكنتي طيور الغلا واشواقك اسرابك
خساره يالعيون اللي بهاللحظه بكيتيني=قبل مايوصلك شعري كحلتي الغير باهدابك

[لون الثلج]

:

من جد قصيده شامخه

سيدي عبدالله العويمر

ابهرتني كلماتك

دمت بهكذا ابداع

.

[فواز المطيري]

عبدالله العويمر
.
.
مساء الورد
وصح لسـانك بلا عدد
.
.
هُـنا احرُفُ ُ تقتاد الكلِـمات
وهُـنا
فقط
.
.

سلمت
.
.
وفآئق الود

[فهد الدباسي]

الباهي / عبدالله العويمر


نصٌ فاخر

يستحقُ الحضورَ مرةً أخرى لـ التأمل


فـ انتظرني

[محمد الناصر]

نص مليءٌ بالشجن و الروعة

..

قراءته تسر القلب و تسعده

..


عبدالله العويمر


لاهنت

[التميميه]

صح لسانك مليون ولايوفون

ابيات في قمة الروعه

[( حايره )]

قصيدة لا أعرف هل قرأتها ؟؟ أم هي من قرأتني ؟؟

قصيدة وقفت أمامها طويلاً

علّني أجد كلمة لأسجلها تحتها

لكن أكتشفت بأن جميع الكلمات ستكون أقل منها

لذلك أسمح ليّ أستاذي سأبقى هنا طوووووووويلاً


صح لسانك

ولا هنت

[بدر غــــازي]

عبدالله العويمر

شاعر والله

طرررق على خشم الشعر

تطلع بقصيده غير ياعبدالله


الله يزيدك من فضله

اخوك
بدر

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مزون المحمد]

عبدالله العويمر


رائعة بروعة حضورك المختلف دوماً


لله درك


دمت بخير