يوميآت آلطآلب آلبدوي فكآهيه لآ تفووووتكم تحووووفه

[شمس آلأمل]

آلسلاموو عليكووو روحمه الله وبركاتووو
يألف أهلن وسلهن نورتو المنطئه يا قدع منك ليه

هذه قصه تحوووفه وصلتني ع الاميل اعجبتني وقلت يا بنت لازم يشوفها
معك فقلت عاد انقلها لكم....

تتكون هذه القصه من عدة حلقاااات في كل يومين أنزل حلقة من الحلقااات وهكذا.... عاد انا فكرت بأنو قسم القصص او هون

قلت هي كوميديه تصلح اسدح هنا مارح اسوي قرقر واجد


إليكم الحلقة الأولى...

بالمختصر بحط لكم القصه<<أخلصي
قصه طالب بدوي درس بأمريكا وهي قصه حقيقه نشرها بنفسه
ومن أجمل ما قرأت في حياتي
وراح انزلها لكم على شكل حلقات
تخيللللوا من الربع الخالي لأمريكا

الحلقة الأولى



صحراء

بيوت شعر

270 راس من الغنم
34 راس من الابل (الله يشرفكم) كلبين لزوم الحراسه وايت مائ قديم لزوم تموين الجماعه بالمويه
الموقع في الربع الخالي
مجموعة عوايل بدويه جدا، تنتمي الى قبيله عريقه من قبايل الجزيره ساكنين في ها الجزء الصغير جدا من فضاء الربع الخالي مثل ما ذكرت.
في لهجتنا البدويه البحته نسمي مجموعة الناس اللي تعرف بعض وساكنين في نفس المكان في البر نسميهم (جماعه).ولدت في البدو وعشت وربيت
الغريب جدا ان ابوي الدكتاتوري القوي جدا وافق اني ادرس رغم اني اصغر اخواني الاربعه اللي يعتبر اكثر واحد مثقف فيهم خريج صف ثالث ابتدائي مكافحه
انا درست وما راح اقول لكم المآسي والبلاوي اللي كنا نواجهها بس على شان نروح او نجي للمدرسه ، ما بالكم بغيرها .
على العموم خلصت الثانوي-علمي، واللي حولي كلهم كانوا يقولون اني عبقري وفعلا خلصت الثانوي بتقدير امتياز وكانت النسبه 97 في الميه.
طبعا النتايج اخذناها من المدرسه بعد كل الناس ما خذوها اللي بالتلفون واللي بالجرايد وغيرها.
النتايج كانت تظهر في الجرايد واكثر الناس تقريبا تعرفها منها ، بالنسبه لنا ما نعرف شي اسمه جرايد ولا نعترف بها ....
طبعا ممكن تقيسون على هذا باقي وسايل الاعلام مثل التلفزيون اللي كان جدتي الله يرحمها اذا جابوا طاريه الناس اللي يجون من المدينه كانت تسميه (النصراني)
الراديو او الرادي مثل ما نسميه كان هو الوحيد الموجود
رادي روسي قدييييييم مره وكان موجود بس عند واحد من الجماعه يشغله للصبح على شان يسمع الناس القرآن.
واحد من اعمامي كان هو الوحيد اللي موظف في المدينه وكان يروح لشغله( كان يشتغل خوي فى الاماره) اسبوع ويجينا سبوعين وكان عنده سياره حوض وكل اسبوع اذا كان موجود ياخذ الشيبان ويروحون يصلون الجمعه وكان يمر على الاماره ويشيل كل الجرايد اللي هناك لأن اكثر الناس ما تاخذها ويجيبها
طبعا ماهو بثقافه والا زود علم لانه مايعرف يقرا اصلا بس كان جزء منها نفرشه سفره والجزء الباقي تاكله الغنم (تصدقون.....يعني غنمنا مثقفه اكثر منا )
نتيجة الثانوي كانت في بعض ها الجرايد ومع ذلك ما درينا عنها. ذاك اليوم يوم اني اخذت النتيجه وجيت اول واحد قابلته ابوي قلت له( يبه يبه ابشرك نجحت بممتاز) عارفين وش قال لي
قال : بركه افتكينا من هالدراسه
يالله يالله خلنا نروح نجيب (الفاجر) من عند فلان
انتهى كلام ابوي
طبعا الفاجر هو اسم بعير كان الوالد يعزه كثير وبدون مبالغه كان يعزه ويعز بعض الحلال اكثر منا حنا يا عياله.
على العموم قلت له ابشر بس خلني اسلم على امي ودخلت وسلمت عليها وعلى خواتي وبشرتهم
قالت امي بسوي لك براد شاهي (جايزة النجاح) << شاي جايزه مب وراعين زمنا بلاستيشن ومايعجبهم
الشاهي في ذاك الوقت كنا نعتبره شراب الارستقراطيين لان وجوده كان نادر جدا وكانت القهوه العربيه هي المشروب الرسمي
الاكل طبعا كان بسيط ثلاثه او اربعه اشياء رئيسيه تدخل في عمل عدة اصناف ...الاشياء الاساسيه هي :البر...اللبن...اللحم...
التمر(الرز ما كان موجود بتاتا مو لان حنا ما نعرفه بس كنا ما نحبه)
على العموم رحت مع الوالد ورجعت بسرعه وطول الطريق رايح جاي وانا تفكيري في الشاهي(لاحظوا واحد مخلص ثانوي علمي وجايب ممتاز ويفكر بس في الشاهي.....‍‍‍‍‍‍‍؟؟؟)
رجعت حصلت الوالده والبنات جهزوا الشاهي وسووا خبز البر على الصاج
وقمنا نشرب من ها الشاهي ونغمز من ها الخبز ما راح اقول لين شبعنا بقول لين خلصناه.
طبعا شاهي الباديه دايم يسوونه على النار ويزودون السكر لان الاكلات الحاليه عندهم قليل جدا
وطبعا شاهي امي كان (عسل مره) من كثر السكر
وذاك اليوم طبعا قضيت اكثر
الوقت خارج البيت ماهو لاني ابغا اتمشى ولا فرحان بعد الامتحانات لا والله من المغص
اللي ذبحني بعد الشاهي بكره اكمل لكم واقول لكم وش صار يوم قلت
للوالد بروح ادرس في مدينه ثانيه
الى اللقاء

انتظروني يا حلووين
ياويل لي يدخل ما يرد
عااد متعوب عليها <<أعصابك خخخخخخ

[الطيبة]

ههههههه ربى يحفظك ياشمس الغالية اسعدتينى بكلامك والقصة الرائعة كافى هى قصة من الواقع رائعة ومتشوقة اعرف شلون راح امريكا لا تتاخرين علينا يالغالية :)

[زهر البيلسان]

وعليكم السلام ورحمة الله وبركاته

عيشتينا في جو جميل

يا شموووووسة

ريحة الصحراء

وأصالة البداوة

وإن كانت قصص فكاهية بس وايد حلوة ومسلية

بانتظار باقي الحلقات

لا تبطين علينا