جسور الوصل

[محمد بن دحيلان]

السلام عليكم

متواضعه للتواصل

عسى ربي يكتب لها قبول

المسبحه ونجوم ليلي وطاريك = وسوالفك ،، والشعر ،، واسلوبك الخاص
خلتني ابحر لك وادور موانيك = انا وقلبٍ عن وفاء العهد ماحاص
لامن طريتي رحت للبر اناجيك = في خايعٍ نبته خزاما وقرقاص
وان سج فكري عنك قلبي يغنيك = وليا طريتي لي لذع داخلي ماص
البارحه جيتك من الشوق ساريك =جيتك غلا واحساس واشواق واخلاص
مرن اشوف اخطاك تزهر باراضيك = ومرن تضيع اخطاك واجيك قصاص
ياتل قلبي من صدى ضحكتك ذيك = تلة شجاعٍ بلغو به على شاص
حمله اسلاح وفي يده (فرخ بلجيك) = ما ترتعد يمناه ظاري وقناص
يلّحق وقدمه ناصبينن شرابيك = من شاف وضعه ماهقا فيه مخلاص
ويازوع عقلي من حلاوة تثنيك = زوع اشقرن يعجبك لا قيل مقناص
ياللي غرامك ما دخل فيه تشكيك = ولاينقسم حبك على ارباع وانصاص
اغليك !! لا ماهو غلا ميتن فيك = وفي بحر حبك رحت هايم وغواص
مدي جسور الوصل ربي يخليك = كن الحشى يفرصه بالبعد مفراص
يانور عيني بعت غيرك وشاريك = وفي مدرسة دنياي صرتي تخصاص

وسلامتكم



.

[سليمان العقيل]

صح لسانك وتسلم يمناك يامحمد

حضور متألق جدا واروع من رائع


تحياتي لك ولقلمك المبدع

[محمد الفرحان]

.

.

حجز مقعد في متصفح الجزاله

وسيكون لي عوده ان شاء الله

[عبدالرحمن القاضي]

محمد بن دحيلان
صح لسانك
لاهنت
دمت بخير

[عبدالله العويمر]

المسبحه ونجوم ليلي وطاريك
وسوالفك ،، والشعر ،، واسلوبك الخاص
خلتني ابحر لك وادور موانيك
انا وقلبٍ عن وفاء العهد ماحاص





محمد



أهلا ً بك






نص جميل






سلم حرفك ونبضك
















دمت بود

[غريبة دار]

اخي محمد بن دحيلان

صح لسانك ملايين و لا هنت

قصيدة في قمة الروعة

تحياتي لك

اختك غريبة دار

[مزون المحمد]

محمد بن دحيلان



رائعة بروعة حضورك


حرف جذاب بحق


دمت بخير

[محمد الأسمري]

السلام عليكم

متواضعه للتواصل

عسى ربي يكتب لها قبول

المسبحه ونجوم ليلي وطاريك = وسوالفك ،، والشعر ،، واسلوبك الخاص
خلتني ابحر لك وادور موانيك = انا وقلبٍ عن وفاء العهد ماحاص
لامن طريتي رحت للبر اناجيك = في خايعٍ نبته خزاما وقرقاص
وان سج فكري عنك قلبي يغنيك = وليا طريتي لي لذع داخلي ماص
البارحه جيتك من الشوق ساريك =جيتك غلا واحساس واشواق واخلاص
مرن اشوف اخطاك تزهر باراضيك = ومرن تضيع اخطاك واجيك قصاص
ياتل قلبي من صدى ضحكتك ذيك = تلة شجاعٍ بلغو به على شاص
حمله اسلاح وفي يده (فرخ بلجيك) = ما ترتعد يمناه ظاري وقناص
يلّحق وقدمه ناصبينن شرابيك = من شاف وضعه ماهقا فيه مخلاص
ويازوع عقلي من حلاوة تثنيك = زوع اشقرن يعجبك لا قيل مقناص
ياللي غرامك ما دخل فيه تشكيك = ولاينقسم حبك على ارباع وانصاص
اغليك !! لا ماهو غلا ميتن فيك = وفي بحر حبك رحت هايم وغواص
مدي جسور الوصل ربي يخليك = كن الحشى يفرصه بالبعد مفراص
يانور عيني بعت غيرك وشاريك = وفي مدرسة دنياي صرتي تخصاص

وانت سالم يا ابو مطلق

جزل ولا يختلف على ذلك أثنان

صح لسانك يالقرم

متفرد دائماً بجزلاة معناك وقافك

لك كل التقدير أيها المدرسه

أخوك محمد الأسمري

[فهد الدباسي]

محمد بن دحيلان



القبول مكتوبٌ لك قبل نصوصك


فـ حضورك بـ حد ذاته مكسب



سـ أعود لك يا راقي

[حماد القريني]

صح لسانك وجاد نظمك

لاهنت ولاهان راسك

تحياااتي