قيود الحذر

[علي المبرد]

مصافحة اولى اتمنى ان تلاقي استحانكم ,,

بعد كل الغلا وبكل بساطه..جيتي اتقولين=(انا) بودعك لاجل لغيابي تعمل حسابك
تبين تلوعيني بأكثر التلويع؟؟لاتكفين=بعد ماناحت اشواق الحنين وطحت منصابك
انا ماعاد ابرضى في غيابك وانتي اتغيبين=عن عيوني..وطيفك بالحضور اكثر من غيابك
اجيب الصبر عن سلهامت عيونك؟: اجيب منين؟=صبر يقوى فراقك كان طاري لهفتي جابك
اظنك ماجهلتي قلبي المشتاق قبل سنين=تعب يحلم كثير ولا قدر لحظات يهنابك
تقولين الكلام اللي يشتتني ولا تدرين=على قلبي ليامنك رميتي وجهة احرابك
انا جيتك عشان اتعلميني ليه اموتك؟ لين..=تعرفين الغلا ..لامن ذبحني شوق بأسبابك
ترى ماقلت لك هذا الحكي من واقع التخمين=بعد ماكل عرقٍ في حشا مغليك حيابك
يجيك اصدق شعور اليا التقيتك ..عين تحظن عين=وانا منك اشتكيتك واشتكيتيني من اتعابك
يطوفون العواذل بيني وبينك..وبين وبين=ملامحنا..ونظرات اللقا بالشوق تتشابك
تخفين الوله باول حديثك..ليه ماتبدين؟=كلام يحطم قيود الحذر..واتخلي اعتابك
احبك..ايه احبك..ايه احبك..قلت احبك حين=تلاقينا..وقلبي يومها جاك وتغنابك
قدرنا نلتقي..ليه انتفارق مثل كل اثنين؟=قدرنا..تكتبيني واكتبك لوعات واقرابك
قبل تمشين ..خليني على بالك..قبل تمشين=وشوفي ..كيف اذوب؟وكيف اموت؟وكيف بحيابك؟
اذوب بكل لحظه في غيابك وانتي تغيبين=واموت بكل لحظه بانتظاري شوق بغيابك

[قديم الشوق]

علي المبرد

في البداية يسعدني الترحيب بقدومك الجميل إلى منتدانا الذي يسعد بك ويتشرف

وصح لسانك على هذه القصيدة الأكثر من رائعة

أبداع وسبك وحبك فوق الخيال

الله يعطيك ألف عافية

وفي انتظار المزيد من هذا الجمال

وتقبل فااائق تقديري واحترامي

[علي المبرد]

اخي الكريم

الف شكر لك على الترحيب

ويسعدني كثيرا ان اكون احد اعضاء هذا المنبر الرائع بأعضاءه وادارته الموقره

الف شكر لك وعسى ان اكون عند حسن الظن وان اقدم مايليق بالذائقه

دمتم بخير

[عبدالعزيز الراشد]

على المبرد ..

اذوب بكل لحظـه فـي غيابـك وانتـي تغيبيـن
واموت بكـل لحظـه بانتظـاري شـوق بغيابـك



صح الله لسانك وعلا شانك ..

أبيات جزله وطيبه ..

بيض الله وجهك على القصيده ولاهنت طال عمرك ..

تقديري واحترامي ..