انامدري وش اللي بي دهاني
وبشرور الكلف دهري رماني
سقيم الحظ يخلف كل نوبة
من اسبابه غدن عشري ثماني
ابطلب خالقي دون البرايا
الى ضاقت وضيقني مكاني
قوي قادرن من فوق خلقه
وكل العسر الا من راد هاني
تعلى في سماواته تبارك
ويغفر زلتي خالق كياني
خذيت من الزمن تسعن تمضت
وعشر سنين وعشرن من زماني
خذا قسمه زماني ما تونى
ومقسوم القدر بين عياني
طواني طي طرسن في كتابه
ودولابه تسيره الثواني
وجربت الدهر زينه وشينه
واشوف ان الزمن اغلبه شاني
وقلبت الفكر باقصى ضميري
وخذت من العبر جزل المعاني
جواهر ما يبيها من جهلها
ويسعد من تقبلها وصاني
فما استنفع بعلمه كل دارس
الين انه يجربه امتحاني
الين انه يخيل بطرف عينه
جنا علمه يصور له بياني
وجان اموال يبغي يكتنزها
اذا ما حسن ترى ذا المال فاني
الا من ذاق عقب العز فاقة
عزيز المال لابده يهاني
اذا الامداح ما جد وكسبها
جواد بالكرم يبني مباني
طوته صروف بقعا يوم دارت
وما ينفعه وان كان متغاني
ترى الغلطات تنفع من بخصها
كما المومن وحرصه بالتواني
الا منه لدغ من غار مرة
توقى ينلدغ به نوب ثاني
وختم القاف اصلي ثم اسلم
على محمد نبي انسن و جاني
بعد اللي نووا حجن وطافوا
وجار الما تدفق بالسواني
انا مدري وش بروحي دهمها
تصورته وقفيته باّني
عبدالله المهنا النعيمي
توليدو -اوهايو-الولايات المتحدة الامريكي
أنت غير مسجل في منتديات منابع الأدبية . للتسجيل الرجاء إضغط هنـا
24-03-2010, 03:11 PM
انامدري
عبدالله النعيمي 
العرض العادي
