ذوقك هو الأجمل .. أختر قصيدة وأعرض ما أعجبك بها من أبيات

[محمد الفرحان]

كنت أظن الحب هو مسك الختام=و أثر حبك هو بداية قصتي
كنت اضنك ريح من ريح الخزام=و صرتي أنتي سارقتني فرحتي
مثل نور(ن) ينبلج بعد الظلام=و أثر نوره هو بداية سهرتي
في بحر حبك أنا عشت الهيام=و بـ وجودك صرت احس بضحكتي
و عقبك أنتي انتهى عندي الكلام=و صرت حاير في مسيرة دنيتي
إبـ وجودك ارتقي فوق الغمام=و ارتشف احلى دقايق سكرتي
في عيونك كنت أسهر ثم أنام=و كان طيفك من يخاوي وحدتي
كنت أبادلك احترامك بـ احترام=و كنت أشوفك فتنتي يا قمرتي
صرت أنا هـ الحين ضايع بالزحام=و صرت أدور منهو يمسح دمعتي
هذا وضعي و اقبلوا مني سلام=و ذي تراها هي نهاية قصتي

.

.

للمقل : فهد الدباسي

[نجديه]

السلام عليكم

مالي ارى النوم خيم هنا


وين اللي بيوصلونها للالف...* _ ^


النظره الخجوله....لعبد الرحمن مساعد


مـا سـألتـوا صـاحـب النظـرة الخجـولـة
كيـف يـسـهـرنـي ولـه وجـهٍ صبـوح

كيـف يظـلـمـني وله طـهـر الطـفـولـة
كيـف يـفـتـنـّي وهـو دايـم يــروح

وكيـف أنـا ألقـى ربـيـعه فـي فصـولـه
دام كـذبـه صـادق وصـدقــه مـــزوح

لـه صـفـاتٍ تـورد العـاشــق ذهـولـه
مسـتـكـيـن صـامـت وكـلـّه جـمــوح

أصـعـب الأشـيـاء و أكثـرهـا سهـولـه
أغـمـض الأشـيـاء و أكثـرهـا وضــوح

سهـل تـغـرم بـه وصـعـب إنك تنـولـه
غـامـضٍ طـبعـه وواضـح فـي الجـروح

أسـعـد بشـوفـه ولكـن مـا أطـولـه
كنّـي الـوادي وهـو أعـلى السـفـوح

يـبتـسـم لا مـنهـم عنّـي حكـوا لـه
ولا حكـوا لـي عنه أعـمـاقي تـنـوح

لـي بقـلبـه شـيٍ لكـن مـا يقـولـه
ولـه بـقـلبـي كـلّ و لكـنّـي أبــوح

كنّـه الغيـمـه و انـا أرجـي هطـولـه
مـا نـزل غـيثـه ولا بـرقـه يـلــوح

مـا عـرفـتـوا ليـش تسهـرني فعـولـه
وليـه يـسكـنّـي وهـو دايـم يــروح

هـو يـبـيـني بـسّ أطبـاعـه خجـولـه
ومـا يـبـيـني أغـفـا وهـو وجهـه صبـوح



اتمنى تعجبكم

وينك سراب ... مالك طله


نجديه....:fh[1]:

[محمد الفرحان]

.

.

بدت الصحوة وطار النوم وان شاء

الله واصلين الالف

وهنا قصيدة رائعة لشاعرة المنابع
الادبية / دانة الجوف

على آخر مشاويري بدتْ بي رحلة التحنان=بكتـْني دمعةٍ حارت.. تثاقـلّها هدب عيني
طعنّي طاري غيابك.. ذبحني هاجس الحرمان= ألا يالعنبو قلبٍ عَجْز صبْره يقوّيني
على الميثاق ماكنّي حلفت أبدا مع النسيان=ولا كنّي نزفْت آخر طعونك من شراييني
خذلني قلبي الطاهر.. تمرّد وأعلن العصيان=كسِر قفْل الصمود اللي قيوده تِحْرق يديني
حديث الشوق يغريني.. يشجّعني على الغفران= ولحظات المســا تبكي تناديك وتناديني
فقْدتك إي ورب البيت .. بدونك ضاقت الأوطان= تعال أسمع تغاريد الحنين ولهفة سنيني
تعال وخلّنا ننسى من المخطي .. من الغلطان=تعال أغلى المشاعر تـنـتخي بك لاتخليني
أكيــد إنك عَرفتْ اللي مزعـّل خاطر الولهـــان = واكيد إنك بعد تدري وش اللي منك يرضيني
وحقْ اللي جْبر كسْر الغرام ورجّع اللي كان= انا كنت أنتظر منْك رسالة شوق تحيـيـني
ومدام إنّا تصــالحــنا وهزمنــا لعنة الهجران= دخيلك خلّني أغرق إلين القرب يرويني

[محمد الفرحان]

.

.

قصيدة جميلة للرائع / عادل الغدير
وأجمل مافيها البيت الاخير الذي احتوى
اسم منابع الغالية على الكل . .

ساس الغلا اللي داخلي ذاك نابع=من الوفاء اللي مكمنه بالوله انت
سحر العيون وشوق شبك الاصابع=من ذوق لون الروج للقبله ادمنت
تو ادري ان الحظ لشقاي قابع= دامي على سليقتي باروعي بنت
اسلاك اني اسلاك من الف سابع=وانت الذي من كل كاي تمكنت
تابع انا لك وانت لي بعد تابع=ياكيف اخونك وانت يامنيتي صنت
طابع غلاك بروح مغليك طابع= لاتغيرك غث الهواجيس لاهنت
ماعمر الاول صار بالحب رابع=نادر قصيده قلتها ماعجبت بنت
ياجمل فتون الان تقرا منابع=والله ماذكر يوم لأمانتي خنت

[نجديه]

الله الله


بصراحه كل قصيده احلى من اللي قبلها


احترت وش اختار


شكل الجد بدا.... ^ _ ^

[نجديه]

هالمره اختياري بيكون مختلف

ابيات متفرقه لا اعرف من قالها

لكني احس انها مميزه

اتمنى تعجبكم


انا حروفي في غيابك.....

لاهي حكي ولاهي قصيد

اكتب الظلما واعيد

....................................

رماد الحرف فعيوني وليل الهم في ذاتي

ولا باقي سوى صوره هزيله ضمها شعري

احاول اطوي الذكرى وتطويني مسافاتي

قريب بتنتهي الرحله ومعها ينتهي امري


اتمنى .... انها تعجبكم

نجديه..............:gf[1]:

[محمد الفرحان]

.

.

مشوار الألف يبدء بـ 54

وهنا قصيدة للرائع عبدالله

بن عميرة

مرتاح باله وانا اللي ضايقِ صدري = ماشال هم الفراق وغيبة احبابه
قلبه عن الحب واهل الحب مايدري = لاهو هواوي ولادقّ الهوى بابه
وانا من الشوق نار الشوق بي تجري = والعين من غيبته وجله ومرتابه
متلحفِ دمعتي متوسدِ صبري = ومسامر للخيال ورعشة اهدابه
ياغاية الروح احبك يابعد عمري = في هاجس الفكر طيفط نوخ ركابه
امنّي النفس بك متحزمِ فكري = واطرز العشق منك بصادق اسبابه
لاواحسايف ليالي حبنا العذري = صدقت لكن ليالي الحب كذابه

[نجديه]

المشاركة الأصلية كتبت بواسطة محمد الفرحان

.

.

مشوار الألف يبدء بـ 54

وهنا قصيدة للرائع عبدالله

بن عميرة

مرتاح باله وانا اللي ضايقِ صدري = ماشال هم الفراق وغيبة احبابه
قلبه عن الحب واهل الحب مايدري = لاهو هواوي ولادقّ الهوى بابه
وانا من الشوق نار الشوق بي تجري = والعين من غيبته وجله ومرتابه
متلحفِ دمعتي متوسدِ صبري = ومسامر للخيال ورعشة اهدابه
ياغاية الروح احبك يابعد عمري = في هاجس الفكر طيفط نوخ ركابه
امنّي النفس بك متحزمِ فكري = واطرز العشق منك بصادق اسبابه
لاواحسايف ليالي حبنا العذري = صدقت لكن ليالي الحب كذابه

قصيده رائعه


معبره

شكرا محمدالفرحان ... اختيار جميل


نجديه.....:gf[1]:

[نجديه]

اليكم رائعه من روائع .... بدر بن عبد المحسن...


كيف يصف الغضب....


نشي غيظي .. سحابٍ أسودٍ فـي موسـم الدخـان
ترزم .. وأمطر بجمرٍ غـدا لـه بالحشـى صالـي
غضبت .. وما دريت إن الغضب ياصاحبي إنسـان
وسيمٍ مثـل سلـة سيـف.. وقلبـه أسـودٍ بالـي
هدمت الدار من قل الحصى لأجـل أرجـم الخـلان
وقتلت النور .. من كثر الجفـا بـا فـارق ظلالـي
وحثيت الريح..في وجه التـراب وهبـت القيعـان
تحت أقدامـي .. ومـرت ديـار وودعـت غالـي
ويوم أصحت سما نفسي .. تلفتت وصرخت .. فلان
قمر وجهك .. وشمس الدار في دمعـي تغايـا لـي
وقفت .. وكانت الفرقا .. مشيت ولا حصل نسيـان
بكيـت .. ولا سقانـي الدمـع لا مـرٍ ولا حالـي
غريبٍ تزرع عيوني سـراب .. وتحصـد الكثبـان
وحيدٍ مثـل رسـمٍ مبطـيٍ فـي صحصـحٍ خالـي



تاملو....


لعلها تعجبكم.....

[محمد الفرحان]

.

.

الرائع / قديم الشوق

تمــّر سـنين وانفـاس الزمان العذب تـدعــيني=وخــيـل الشـوق تـركــض بي عـلى ربـعـي عـلى ناسي
د خـيل الله يـابنت الغـــرام العــّـف يـكـفــــيني=قضى صبري.. مضى عمري.. كبر همي.. سطى ياسي
دخـيلك وينـها ذيـك الـدروب اللـي تــوديني= واشــوفـــك قـــبل ياخــذني الــزمـان الصامت القـاسـي
حرام اسكت عـلى نار الطعون الزرق ياعـيني= واضــم الجــمــر فـي كـفــي واذوق المــّر فـي كــاسي
امــانة كـان لي عـنـدك غــلاة وقــدر حنـّيني= يكــفّــيني عــنــا نفــسي وشــقـى عــيني ووجــع راسي
وامــانة كـان فـي قـلـبـك مـثـل يابـنت مافــيني= تعــــالي خــلـّـي انـفــــاســـك تـعــانـق دافـــي انـفــاسي
تعـالي نقـتـل الفــرقـا وتضـم ايـدينك ايــد يني= وابشّـــر باللـقــا جــرحـي القــديـم وطــير هـــوجــاسي
مـتى يافـدوتك حـظي الضرير وماضي سنيني= يـخــيب احـســاس صـّـكات الـزمان ويصــدق احساسي
اذا كــاني خـســرتك وانتـهـى مــابـينك وبـينـي= ابـرحــل واصـفــق بكــفي الـنـحـيــلة واعــلـن افـــلاسي
الايـاحظي الـلـي مـن زمــان ٍ طـــاف يبـكـيني= تــــرانـي يــاولـــد عـــــمّ الشــــقـى مــانـيب مــتـنـــاسي
حـسـبتك يـوم انا غافـل عـصاي اللـي تقـد يني= لـقـــيـتــك يــاالـلـه الخـــــيـرة عــــنيـدٍ جــافــل ٍ قــــاسي
والى هــاالحـد يابنت الغـرام الــّـذرب يكفـيني=أمـــــانــة حــددي دربـي الجــــــديــد وداوي اتـعـاسي
وتمــّر سنين وانفـاس الـزمان العـذب تدعـيني= وخــيـل الشـــوق تــركـض بـي عـلـى ربـعي على ناسي