@دعوه للمساجله الشعريه خاصه وحصريه لرواد منتديات منابع@

[نجديه]

هو السند يوم الزمن فيه ضيقـات
ويومٍ قنـب جرحـي وزاد بعويلـه

سلم عليه إعـداد وبـل المخيـلات
واعداد كيـفٍ فـاح بنّـه وهيلـه

ههههههههه عوده على الهاء

[الفوارس]

حياك نجديه

كيفك ؟

أبشري بالهاء

همي وغمي واحد يوم القيــه

كني عليل وشوفته محو قروه


حرف الهاء

[نجديه]

وين قهوتك يالفوارس من امس وحنا على جالها ^ __ ^

هذي هي الدنيا تجي مستجده
تلقا بها المازح وتلقا بها الجاد

قصة حياة ومننا مستمدة
ويلزمها تنفيذ وإخراج وإعداد

حياك الفوارس وهذا حرف الدال

[الفوارس]

دخيلك لاتفلت رح بفالك واترك المرجوج
ترى انا مابقى لك الا انا ماعاد يمدينـــي

حرف الياء

بس ابوريك ابمسك خط القصيم بحرف الهاء

[نجديه]

يا اللي تعرفون الهوى لاتلومون... يلومني من لا درى ويش حالي

الحب يودع عاقل الناس مجنون ..... يودع كبير السن مثل العيال


حرف اللا م

[الفوارس]

ههههههههه

ابشري بالقهوه

و بحرف الهاء

القهوه في هالبيت

لو بقا للهيل صبرن على فوح الدلال

مابقى للقلب صبرن على شيٍ يجيــه

[همس القوافي]

أسعد الله مسائكم بالمسرات

هذي النهاية روح والله يجازيك "

" امسك ويومك عن هوى الغد يجزاك

ومع الكاف


:rose:

[غربة الروح]

كان قصدك عذابي لاتوصي حريص=الزمن مايقصر وانت فيك ابركه

سأعلن بعد كتماني = زماناً أشجاني
فإن الصبر أرقنى = وإن الصمت أضناني

[غربة الروح]

يالله ياللي سائله مايمله=يامحيي العشب الخضر بالرشاشي
تفرج لمن كنه على جال مله=متحيرٍ قلتَ عليه المساعي