ذايع الصيت

[مزون المحمد]

لقلوبكم النقيّة ..

سديت باب العفو ياقلبي الميت = واردمت فوق الحزن "حزني" ردامه
ماعاد فيها قول "ياعل" "ياليت" = أقفت ضعاين هقوتي بالسلامه
سرقت عيني بالنظر ثم لديت = طاح الوفا باسباب كسرة سنامه
كسرت شوفي ومع دموعي تواريت = واثر الدمع بيّن بوجهي علامه
يبطي بي الهاجوس لو كان سجيت = وتجرحني قولة "ماعليها ملامه"
أنا اللي من جمر الهوى قد تغنيت = غنيت حرفٍ ذاهبٍ بي غرامه
أوااه ياقلبي ترى منك عانيت = هانت عليّ دنياي عقب الكرامه
ياكثر ما أعطيت واعطيت واعطيت = كف العطا عميا ولبست عمامه
ماني على ذكر المقفي تشقيت = رميت له كاسه وسكرة هيامه
ما أذكر إني مرةٍ قد تهاويت = دايم وأنا لي بالزعامه زعامه
وما أذكر إني بالشعر قد تباهيت = اتبع حلاله مجْـنبة عن حرامه
أنا اللي دايم من دلاله تقهويت = شربت فنجاله بعز وشهامه
كتبت جزل القاف من حشمة البيت = وما ادس راسي مثل راس النعامه
وما أذكر إني في حياتي تهنيت = حسبي على غدر الزمان وعسامه
ياقو طعن القلب إن كان خاويت = شخصٍ حقود ويختلف لك كلامه
وياشين وقتك كان بالعمر عاديت = شخصٍ يودك وأنت تدعي عدامه
ماني على هذي وهذي تباكيت = الهم فيني واصلٍ بي مرامه
ياقلب منت من القلوب المفاليت = اللي تراكض بالحفا والندامه
مايسكن فنبضك سوى ذايع الصيت = فعله ينومس به خواله .. عمامه
لو أن قلبي ينحطم منه ماابديت = شوق الهوى لو كان للقلب شامه
ماني من اللي تاخذ العلم بلفيت = آخذ مواثيق العهد من زمامه
ذابت هقاوي مثل ضحك الحواتيت = وماتت على يد الهقاوي حمامه

وسلامة قلوبكم :rose:

[الكــــــرز]

,’

كسرت شوفي ومع دموعي تواريت
واثر الدمع بيّن بوجهـي علامـه

يبطي بي الهاجوس لو كان سجيت
وتجرحني قولة "ماعليهـا ملامـه"

قصيدة دخلت قلبـي .. و تربعت داخل الإحساس


مزوون ..

كلك على بعضك . . إبداع


صح لسانك

,’

[( حايره )]

إلى أين يأخذنا الحزن وقد أظلمت جميع الطرق والمنافذ ؟

إلى أين يأخذنا الحزن ونحن من تذوّق كاسات المّر ؟

هل بقي شيء من الدموع ؟

فــ الحزن هو القاسم المشترك لقلوب الجميع

وهو الصديق الوفي لكل وقت

مزوووون

دائماً تعرفين كيف تجعلين كلماتك تستقر في القلوب

تعرفين كيف تستخرجين مافي نفوسنا بكل عذوبة

ألف ألف صح لسانك

ودام بوحك ... وطابت جروحك

[خالد ماطر]

ما أذكر إني مـرةٍ قـد تهاويـت
دايم وأنا لـي بالزعامـه زعامـه


هنا الاعتزاز بالنفس بكل ثقه وتمكن وأصرار ..

مزون قصيده رائعه بحق ..

صح كلك ..

ولك ِ من اخيك صافي الــ ود ..//

[لون الثلج]

:

مزون المحمد

هذه انتي كما عرفتك ..

دائما قويه ..

راااائعه دائمــا..تعجبيني بكــل حــالاتك

ننتظر دائما روائعك

إحترامي لك..//

.

[فواز خالد]

صح لسانج اختي الكريمه ولاهنتي ع لأبيات العذبه ...

[فهد الدباسي]

مزون المحمد


حضورٌ مميز

و نصٌ جميل و سبكٌ لايختلف عليه إثنان

قراءةُ هذا النص متعة كما في هذا البيت
((
سديت باب العفو ياقلبـي الميـت
واردمت فوق الحزن "حزني" ردامه
ماعاد فيها قول "ياعـل" "ياليـت"
أقفت ضعاين هقوتـي بالسلامـه ))

فضلاً عن مضمون النص كـ كل


صح لسانك أختي

تقبلي تحياتي

[عبدالله الخليفة]

مزون المحمد


نصٌ جميل و حضورٌ راقي


صح لسانك و جاد بيانك


تحياتي

[محمد الناصر]

نص مليءٌ بالشجن و الروعة
..
قراءته تسر القلب و تسعده
..

مزون المحمد


صح لسانك

[منور العوني]

أوااه ياقلبي تـرى منـك عانيـت
هانت عليّ دنياي عقـب الكرامـه


أوااه ياقلبي تـرى منـك عانيـت
هانت عليّ دنياي عقـب الكرامـه



أوااه ياقلبي تـرى منـك عانيـت
هانت عليّ دنياي عقـب الكرامـه


صح لساانك يامزون

مبدعه والجزاله ماهي غريبه عليك