يامدورين الفود في سوق الافلاس...!!

[بندرالرشيدي]

بسم الله الرحمن الرحيم..

أحبتي ,,أسعد الله أيامكم..ولياليكم..

قصيدة..كتبتها..أبان كارثة الأسهم..والتي لازالت..مستمرة.
وقد تستمر..وتستمر..لمَ لا؟؟!!

عسى أن تحوز..على غايتي..التي هي استحسانكم...

سوق الافلاس...!!

يامدورين الفود قي سوق الافلاس =نصيحتي لله لا تقربونه
اليا نزل في نزلته كتم الانفاس=والياارتفع مافيه أمل تلحقونه
أوضاعنا مابين وقفه ومجلاس=والكل منا ماتغمض عيونه
نبيع والانشتري وضعنا انحاس=ولياشرينا في سهم ينكبونه
يوصي بعضنا دون علمٍ ولا اقياس=ذاك السهم ياالربع لاتتركونه
السهم هذا لاتبيعونه ألماس=ايحقق الثروة لمن يشترونه
أحيان تصدف ويتنومس تنوماس=يستانس الموصي ويكثر زبونه
وليافشل في التوصيه قال لاباس=نصبر ليابكره عسى يرفعونه
سوق يخلي كامل العرف يحتاس=يامدعين الفهم ماتفهمونه
مثل الحبر وان سال من فوق قرطاس=في المحبره والله ماترجعونه
انهار وانهاروا معاه أغلب الناس=أحدٍ ذلف وأحدٍ يعالج طعونه
وأحدٍ مشى مجنون لاعقل لاأحساس=واصبح ينشد كل من هم يجونه
وأحدٍ يحاول بالأمل يطرد الياس=لكنه الواقع يخيب ظنونه
وأحدٍ يصفق يضرب أخماس باخماس=ومن القهر يبكي وزادت غبونه
رحنا ضحايا سووق لاطماع الانجاس=من الجشع ماعندنا ياخذونه
ضحكة على العالم لتفريغ الأكياس=مال الضعيف بلا سبب ينهبونه
وابنوكنا اللي دسو السم في الكاس=كانو ا دعاة السوق ويآزرونه
أعطوا لنا الفرصة ودقوا بالاجراس=لاجاهم المديون زادوا ديونه
ضعنا بصحرا دكها ليل الادماس=لاحولنا فزعة ولامن معونه
على العموم اللي حصل درس حساس=لومافهمنا الدرس لاتشرحونه
مالفايدة لاطاحت الفاس بالراس=فات اختبار الدرس لاتجدولونه
جينا ندور فود في سوق الافلاس=ولا لقينا الا الفلس والمهونه

.............
...........
وعسى الله مايخسر..مسلم..

........
فاااائق

الشكر..والتقدير..

[( حايره )]

قصيدة جميله

تشرح وضع قائم

لايزال هذا الوضع يستنزف الأموال والعقول :)


ألف ألف صح لسانك

وربنا يعوّضك خير :D

[لون الثلج]

:

مساكين اهل الاسهم حالتهم حاله

بس الله يعوض عليهم ..

بندر الرشيدي
صح لسانك لاهنت

إحترامي لك..//

.

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مزون المحمد]

بندر الرشيدي

صح الله لسانك ولاهان حضورك الكريم


دمت بألف خير

[محمد الفرحان]

.

.

شاعرنا

بندر الرشيدي

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

شاعرنا الرائع



صح إحساسك ونبضك

لهذه القصيدة الرائعة

ودمت لنا بكل نقاء حرفك







إيمان

[فهد الدباسي]

بندر الرشيدي


حضورٌ مميز

و نصٌ جميل و يعانق الواقع بـ معنى الكلمة


صح لسانك ولاهنت

تقبل تحياتي

[إبراهيم العتيبي]

الشاااعر بندر الرشيدي

نص راااااقي

يجسد الوااااقع

صح لساااانك

دمت كماااا أنت

[محمد الناصر]

نص مليءٌ بالشجن و الروعة
..
قراءته تسر القلب و تسعده
..

بندر الرشيدي


صح لسانك ولاهنت