رثائيات >>>> شارك بها

[محمد الفرحان]

.

.

امن العياضي وجهـت لـي رسالـه=سطرين بس امن الخبر طحت مفجوع
كنت اتقهـوى ثـم جدعـت البيالـه=موضوعها ذلحين عن غير موضوع
موضوعها ضيـق خفوقـي وهالـه=حتى عيوني من حزن سالت دمـوع
تبكي علـى راع الوفـا والجمالـه=اللي توفـى ثانـي ايـام الاسبـوع
مرحوم ياللي ما امهلت لـه ليالـه=عدة عوام من المرض طاح موجوع
تبكيه حرب وكل من هو بكـى لـه=يبكي بدمعٍ صدق ماهوب مصنـوع
اليـا تذكـر دون ربـعـه فعـالـه=دون القبيله كامله صوت مسمـوع
صياف ابو مفلـح كريمـه خصالـه=في هامة العليا له المجـد مطبـوع
شاعر ويحسـن فالمواقـف مقالـه=الشاعر اللي كل صعب لـه يطـوع
اعـزي انفسنـا واعـزي عيـالـه=وانا ادري ان الموت للعبد مشـروع
لكـن يارحمـان عنـدك عسـالـه=في جنتـك يـارب منـزال مرفـوع
وترسل علـى قبـره بنـو ٍ خيالـه=صادق وقبره كنـه بـورد مـزروع
ويالله يالمعبـود تحـسـن مـألـه=لاجاء نهارن فيه شافـع ومشفـوع

للشاعر / محمد عبد المحسن الجميلي

[محمد الفرحان]

.

.

ياحـر كبـدي عليـك ويابـري حالـي=ياليت موتـك ماهـو مكتـوب باللوحـي
لو عن حياتـك يمـوت الفيـن رجالـي=تموت ماهي خسـاره وانـت مربوحـي
والله لو المـوت ماهـو سنـة الوالـي=لاشـق ثوبـي علـى فرقـاك وانوحـي
وابكي بكـل الشـوارع واعلـن هبالـي=اليـن ترجـع واذا ماجيـت مسموحـي
مااقول لـك مجلـس بعينـي ومدهالـي=اقول: لـك بالحنايـا قصـر وصروحـي
صيـاف صيـاف فيـك اقـول طوالـي=والله ونعمين محزم ... قرم ... زحزوحي
ياشاعـر اللابـه اللـي ذكرهـا طالـي=حروب تارد حيـاض المـوت وتروحـي
لو كان مـع خصمهـا مليـون خيالـي=فالمعركه مايصيـب الحربـي جروحـي
فاقدك مـن كـان قبـل سنيـن وليالـي=طموحه انـك لصوتـه تسمـع وتوحـي
واقفيـت ياللـي عليـك الدمـع همالـي=ماجـاك صوتـي ولاحققـت مطموحـي
وشلون ابشرح يابو مفلـح كـدر بالـي=وانتا بعينـي بنـي سالـم ومسروحـي
الا علـي الطـلاق انـك مثـل خـالـي=لا والله ابوي واغلى انسـان طحطوحـي
فرقـاك ماهـي بسيطـه واه عـزالـي=احس عقبك بجسمـي نزعـة الروحـي
لا ياوجودي وجـود اللـي فقـد غالـي=دونه توفـى ولاجلـه صـار مذبوحـي
ولاياوجـودي وجـود شيـوخ الافعالـي=لاذلهم ( شيخ مـال ) بعـذر مشروحـي
يانـاس شعـري وقيفـانـي ومـوالـي=ماجت على حسب رغباتـي ومصلوحـي
البيـت الاول وعقبـه بيتـي التـالـي=يمكن هي اللي هنا تنقل صـدى بوحـي
مرحوم ياللـي تطـول الماقـف العالـي=من دون عزوة بني سالـم ومسروحـي

للشاعر / احمد الوهبي

[بروق السحايب]

الراحل / صياف الحربي رحمه الله تعالى

شاعر علم له أثره وبصمته في الساحة الشعرية

يستحق نظم القوافي في رثائه

رحمه الله وأحسن إليه


أشكرك أخي محمد على المشاركة برثائياته هنا

لا هنت

[بروق السحايب]

من أجمل ما قرأت في وصف حال الأم المكلومة بولدها

للشاعر راشد بن جعيثن

يامـل قلـبٍ يفـك الهـم ويخمـه=خمةعجوزٍولدهـا بيـن روحيـنـي
قـدام تزهـق حياتـه قـال يايمـه=ثم اصفقت من عظيم الوجد كفينـي
طاحت على صدره اللي وقفٍ دمـه=ويوم اذهنت جرت الونه بصوتينـي
وقامت تخمخم يديه وجـودت كمّـه=تبيـه وأفخـت وزاد الهـم همينـي
وعلى النعش يوم قفوبه بنـي عمـه=طاحت وقامت وهامت وحالها شيني
تدوي على ثوبه المنطـول وتشمـه=وتسقي جفاف الشحوب بدمعت العيني
من حر فرقاه ماتمشي علـى اليمـه=ولاتميزالأحـد مـن يـوم الاثنينـي
وماترقد الليل من حزنه ومـن همـه=والقلـب كنـه يطَعـن بالسكاكينـي
كن المعزي يشـوف عيونهـا يمـه=إتغيب وتذهن ليا جوهـا المعزينـي
وجابو لها اللي قرا بالمصحف وتمـه=يقرا عليهـا مـن القـرآن ياسينـي

[فهد الدباسي]

موضوع رائع

و فكرة جميلة و متميزة كما أنتي يا سراب


من الأبيات الرثائية و التي سمعتها قبل سنوات

و لا أزال أحفظها


لاهنت يا راس الرجاجيل لاهنت
و لا هان راسٍ في ثرى العود مدفون

و الله ما احطك بـ القبر لكن آمنت
بـ اللي جعل دفن المسلمين مسنون

منزلك ياعزف الشرف لو تمكنت
فوق النجوم اللي تعلت على الكون


لـ الشاعر / خالد الفيصل
في رثائه والده الملك فيصل

[بروق السحايب]

محمد الفرحان

حضورك مثل هطول المطر


ما أروعه


لاعدمنا هذا الحضور منك

[بروق السحايب]

المشاركة الأصلية كتبت بواسطة فهد الدباسي

موضوع رائع

و فكرة جميلة و متميزة كما أنتي يا سراب


من الأبيات الرثائية و التي سمعتها قبل سنوات

و لا أزال أحفظها


لاهنت يا راس الرجاجيل لاهنت
و لا هان راسٍ في ثرى العود مدفون

و الله ما احطك بـ القبر لكن آمنت
بـ اللي جعل دفن المسلمين مسنون

منزلك ياعزف الشرف لو تمكنت
فوق النجوم اللي تعلت على الكون


لـ الشاعر / خالد الفيصل
في رثائه والده الملك فيصل

الأجمل مرورك ومشاركتك الخالدة خلود ذكرى الفيصل رحمه الله



كل الشكر لإطراءك الجميل فهد الدباسي

[بروق السحايب]

رثاء ...

لكن مـ خ ـتلف














رثاء الخيل












يا سابقي ما ساعفتها بالاوفاق === تقنطرت يوم حرفت الخباره

وجدي عليها ساعةٍ قبل خناق === ولا الرجل بين الغناء والعزازه

فرحان الدهمشي








و حسين بن حريش يرثي فرسه قائلا :


و اسابقي صفرا عليها الحسايـف === سودا صوامع ينشد الشيخ عنها

تشدي لصفرا من عل الرجم سايف === شيهانة ما ينقر الطير منها







عضيب بن حشر القحطاني

وامهرتي وانا عليها شفاوي === إن قيل ياهل الخيل تطري عليّه

ماني معودها لكسب الشواوي === ولا رددت فرق البقر بالزويه

أبرّهـا لمكثرين العزاوي === وألحق عليها كل راعي رديّه

يوم الملاقى تعترض بالاهاوي === ليا تنادوا بينهم بالحميّه

وانا علي جدع المدرّع رهاوي === وياما جدعت الشيخ وألا حليّه

وياما تحملنا كبار البلاوي === وننطح وجيه أهل العزوم القويه

وانا لعصمين الشوارب فداوي === حـمايّة الساقات في كل هيّه

وليا اجتمع حس الغنا والنعاوي === يا طراد هاك اليوم عيدٍ عليّه