خادم الحرمين حفظه الله وروضة خريم

[عبدالله بن راجس]

قصيده جديده القيتها امام خادم الحرمين الشريفين الملك عبدالله بن عبدالعزيز ال سعود حفظه الله ورعاه في روضة خريم
يوم الاحد الماضي وبحظور ولي العهد الامير سلطان بن عبدالعزيز حفظه الله

رفرف على روس المنيفات ياطير = وكوسر لحونك بين هذي وذيه
زف البشاير للنفل والنواوير = وعلى الغصون اليانعات العذيه
تباشري ياروضة خريم بالخير= يالفيضه اللي عن سواك محميه
ميلي بحوذانك ليا هفهف عصير = جاك الكريم اللي كفوفه نديه
مثل السحاب اللي قنوفه مزابير = اوله ديمه وآخره عقربيه
لاحن رعاده يفك الازارير = ويصب ماه من الضحى للعشيه
ياحي سجات النفس والتباشير = بين الوجيه المكرمات الرضيه
ماهيب تحسب من حساب المخاسير = لاوالله الا كل نفسٍ غنيه
سلام تسليمة معزه وتقدير = وشيمه وهيبه واحترام وتحيه
لك ياطويل العمر عن كل تقصير = وافي ولا يزهاك غير الوفيه
انت الزعيم مسطر الفعل تسطير = خيرك يعم الشعب روحه وجيه
ياستر غظات البني الغنادير = لاطوحن بالصوت ياهل الحميه
اتورد الظامي على جمة البير = واللي مجنب مايعود الخطيه
تامر يابو متعب وشعبك طوابير = في طاعتك يمشي سريه سريه
حنا جنودك فالمعارك مغاوير= الطيب فينا حي والنار حيه
دون الوطن لك وقفةٍ فعلها غير = إيدٍ قويه والمواقف قويه
كم حاسدٍ خطط يبي لفة السير = وعليه رديت التسامح هديه
عفوك ولطغك زاد في حسرته مير = تسامحك زاد اسود القلب كيه
دربك سنود ودرب غيرك محادير =حكيم في مدة كفوفٍ طريه
امن الفعل لك سطوة كليب والزير = ومن الكرم لك مدةٍ حاتميه
حكيم راي اليافختن الاشاوير = مثل الجدي فاليله الخرمسيه
خذيت من نهج الصحابه تصاوير = تحكم بشرع الله وسنة نبيه
امبادراتك تثلج الصدر وتصير = رمز العرب فالقمه العالميه
لو ان به مثلك على اقل تقدير = شخصين فوق الكوره الدايريه
ان كان شفت العالم يعيش في خير =على السعد طول السنين المديه

اخوكم

عبدالله بن راجس
aaahh_3@hotmail.com

[ونين]

اخي عبدالله بن راجس

صح لسانك ملايين و سلم نبضك

تشرفت كوني اول من عانق حروف رائعتك و التي بروعة حضورك و تواجدك

لا هنت ولا هان قلمك

تحياتي

اختك ونين

[ღنـــُــوٍْفٌღ]

الشاع ـر"عبدالله بن راجس"
/
\
/
"
ح ـضور ابجدية من ألق ..

ونزف غارق بسمو

باهر ..

للّه دره من شع ـر

لكَ باقات اح ـترام

"

[خالد بن علي]

جد راقي وحضور مختلف

وطرح فيه الكثير والكثير

من معالم الإبداع اللغوي

[سالم محمد اليامي]

ارحب يابو هادي

صح لساانك

ولاهنت يالجزل

قصيده كفو في شخص يستاهل الكثير

لاهنت

اخوك

الراوي

[فيصل العمري]

صح كلك يالوافي

ابدعت وربي

لاهنت

إحترامي وتقديري

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مزون المحمد]

حضور أول

ولي عودة

[فهد الدباسي]

عبدالله بن راجس



نصٌ يستحق الحضور مراتٍ و مرات


سـ أعود

[محمد الفرحان]

.

.

سأعود الى متصفح الكبار

.

.