_(( لعــيـــون نــــورهــ ))_

[نايف المحينيش]

أدري انك معجبه بالحيل فينـي=وأدري انك دايم الدوم إمعـذوره
من يلومك لو تجين وتعشقيني=ومن يلومك لاغديتيبي غيـوره
شاعر وكل المراجل تهتوينـي=وصاحبي يابنت لايمكن أبـوره
ماأبيع اللي بحبـه مشترينـي=صاينه في غيبته وألا حظـوره
إسمعي يابنت علمي وافهمينـي=شاعر" يبغى يعبر عن شعـوره
الهوى والعشق والشوق الدفيني=والوفا والصدق والشعر وبحوره
والغلا والطيب وماتملك يدينـي=كلبوهن فدوة" لعيـون نـوره
جادل" ماغيرها يسكن بعينـي=جادل" حطت لها بالقلب صـوره
جادل" وان غبت عنها تحتريني=صاينه للحب ماتهدم جسـوره
لابغت فالحب تلعـن والدينـي=تقلع القلب المعنى من جـذوره
راضي" في حبهـا ياعاذلينـي=هرجكم في ذمتي ماله ضروره
الذنوب اللي من اسبابه تجينـي=ياعساها إخفاف وذنوب إمغفوره

[( حايره )]

كلمات تتسلل إلى القلب تدخل دون إستئذان

لــ جمالها ... وصدقها ... والإحساس الذي يطغى عليها


نايف

ألف ألف صح لسانك

ولا هنت

وحتماً لن نرضى بالغياب مرّة أخرى
فلا تبخل علينا بكل جديد

أسمح ليّ سأحتفظ بهذا البيت
والغلا والطيب وماتملك يدينـي
كلبوهن فـدوة" لعيـون نـوره :)

[مزون المحمد]

نايف المحينيش


سعدنا بتواصلك ..


قصيدة رائعة .. استمتعنا بها


لاهان تواجدك الطيب

[مشاعل ابراهيم]

أخي نايف المحينيش




ألف صح لسانك على هذه القصيدة الرائعة




التي بروعه حضورك وتواجدك






دمت بكل خير

[نايف المحينيش]

حايره

ارحبي يابنت الرجال

صح بدنك ولاهنت ِ

وانت لاتحتفظين ببيت واحد تحت امرك القصيده وراعيها


وانا اخوك


وان شاءالله مامن غياب عنكم من غير شر


وكل عام وانتي بألف صحه وسلامه


تحيتي

[نايف المقاطي]

نايف المحينيش

صح لسانك ياسمي


لكن

لابغت فالحب تلعـن والدينـيتقلع القلب المعنى من جـذوره

ليتك أتعدت عن لفظ اللعن


غيمار

[حمد فرحان]

نايف المحينيش

صح الله لسانك

قصيده رائعه وعوده جميله برغم اللعن

تسلم يمينك ولاهنت

تحياتي

[نايف المحينيش]

مزون المحمد


صح بدنك ولاهنت ِ يابنت الرجال


تحيتي

[محمد الفرحان]

.

.

شاعرنا

نايف المحينيش

.

.


صح لسانك ويسلم بنانك على هذه القصيده

الرائعه بروعة مبدعها . .

.

.


سلمت ياشاعرنا ودمت مبدعا" كماانت . .

.

.

تقبل فائق تقديري واحترامي

[نايف المحينيش]

مشاعل ابراهيم


صح بدنك

ولاهنت ِ يابنت الرجال


تحيتي