ليـــه يمـــه !

[فايز آل بذال]

السلام عليكم


شهر مبارك عليكم جميعاً


للتواصل مع منابع الأبداع

اليكم هذا النص

يسألوني ليه يمـه فيـك شعـري ماكتبتـه= وش يقول اسألك يمه من فقد دنياه لمه
حملوني فيك يمه ذنب عمري ما ارتكبتـه=ضيعوني ضاع طفلك يوم رحتي وزاد همـه
مات حظي من رحلتي مات مبطي واحتسبته= ما يعيش ايام يمه من جرع بالكاس سمه
كنت طفل ٍ من هموم وزادت الأيـام كبتـه= ويوم شب وشد عوده مالقى صدر ٍ يضمـه
كنت قبل اليوم زرع ٍ يعجب الزراع نبتـه= وصرت يا يمه هشيم ٍ مالقى منهـو يلمـه
بختصار الموت شفته ليت بيـديني قضبتـه= والله ابصدري لضمه وان رضا فيني لزمه
لو على كثر التوجد لو على دمعي سكبتـه=لو يردك لي بكيتك من صميم الروح جمـه
لو على شعري كتبته لو على عمري وهبته=لو على الكلمات يمه لشرقه حرفـي بدمـه
للحزن عندي مرابع والشقى لنفسي نسبتـه=سمني جاير زمانه وان بغيت الجور سمه

وسلامتكم



محبكم

[عبدالرحمن العتيبي]

الرائع فايز
وتلك الابيات التي انتشت برائحة الهيل
وتقلدت حلل الابداع لشخص يستحق
اكثر من ذلك فالام اكبر من بحور الشعر
ومن كل الكلام .......صح لسانك واجاد بنانك
دمت برقي وتقبل خالص الود
وابيض الورد

[الدانه]

المبدع فايز آل بذال




صـــح لسانك وقلبك ولاهنت





تحياتي



الدانه

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[ناصر الشعلان]

الشاعر فايز البذال وقصيده جميلة ورائعة
ابداع من شاعر مبدع صح السانك اخوي
تحياتي
ناصر الشعلان

[فهد الدباسي]

فايز آل بذال


كم أنت رائعٌ و متميزٌ يا شاعر الهيل



نصٌ أصيل و فيه من الوفاءِ و الورعةِ الكثير

و هذا ما اعتدتهُ منك



صح لسانك و لاهنت

تقبل تحياتي

[التميميه]

صح لسانك ولاهنت

[حمد فرحان]

فايز آل بذال

شاعر الهيل

قصيده رائعه من شاعر رائع

لا عدمنا تواصلك وابداعك

تحياتي

[مزون المحمد]

فايز آل بذال


حضور رائع .. وقصيدة تحمل من النقاء والبر شيئاً كثيراً


صح لسانك


ولاهنت أخوي

[محمد الفرحان]

.

.

شاعرنا

فايز آل بذال

.

.

صح لسانك يامبدع

.

.

قصيده رائعه بروعتك ومتصفح يجبر على

البقاء به طويلا" . .

.

.

دمت بهذا التألق وهذا الحضور ولاعدمنا

تواجدك . . .

.

.

تقبل فائق تقديري واحترامي