عيشي حياتك

[عبد الرحمن سعد]

السلام عليكم ورحمة الله وبركاته
أخواني الأعضاء
هذه قصيده جديدة من قصائدي المتواضعة
التي أتمنى أن تحوز على القدر اليسير من رضاكم وإعجابكم

عيشي حياتك بعيدة عني وروحي = واللي مضى بيننا أرجوك تنسينه
ما أنكر إنك بفترة كنتي طموحي = لكن قدرتي بإهمالك تهدينه
مانالني منك الا همي وتروحي = وحزنٍ بقلبي تغلغل في شرايينه
وخذيتي مني خفوقي وفكري وروحي = ونومي وحلمي وعمري وأجمل سنينه
يعني عشاني خفيف الدم ومزوحي = بتخربيها معي يابنت مسكينة
بأقلبها وياك جد وأترك مزوحي = وأعلمك كيف ثقل الدم والطينة
بأطردك من جنتي وأطردك من دوحي = وخلي عذولي يضمك في بساتينه
وبآخذ قضى طعنتي وآخذ قضى جروحي = وأسقيك من كاسٍ أول لي تسقينه
مليت ألمح بهمي لشخص ما يوحي = تشوفي حالي وكنك ما تشوفينه !!
واليوم قررت أعلن للملا بوحي = وأفضحك عند الحبيب اللي تخدعينه
من حب مثلك ولو من دون مصلوحي = أن أشهد إنه حفر قبره بيدينه
واعزتاله غدى في النار مطروحي = وأسأل مجرب ما أقول الا الله يعينه
كفي مدامعك لا تبكي ولا تنوحي = مايفيد دمعك نصيحة لا تهلينه
الراس يابس ولا أحدٍ يكبح جموحي = لا أنتي ولا اللي على رقمي تدزينه
مادمتي ذنبٍ كتبه الله في لوحي = بأقلع عنَه حد ربي بيني وبينه
ومالك أمل في رجوعي أذلفي روحي = واللي مضى بيننا أرجوك تنسينه

وسلامتكم
أخوكم
عبد الرحمن سعد
حزين الحرف

[ونين]

الله الله يا حزين الحرف

صح لسانك ملايين ولا يكفون على هذا النص الرائع

لا هنت ولا هان حضورك

تقبل تحياتي

اختك ونين

[محمد آل مبارك]

عبد الرحمن سعد
حزييييين الحرف

صح كلك يا بعدي
ولا هان راسك
يا بعدي

دمت مميز
لا هان جزلك

محمد آل مبارك
بو فواز

[أحمد الجعيد]

.
.

السعد /
عبدالرحمن سعد..

ترسل أحرفك
لتعلمنا..
أن الشعر..فضاء
مليء بالجاذبية

صح قلبك / كلك

.
.

ولك احتراامي...//

[خالد بن علي]

صح بوحك وصح نبضك

حضور جميل وراقي

[عبد الرحمن سعد]

ونين كم يسعدني ويشرفني أن تكوني
اول من يرد علي لك كل الود والورد

[عبد الرحمن سعد]

بو فواز
صح بدنك ولاهنتي
لك ودي

[مزون المحمد]

حضور أول

ولي عودة

[بدر غــــازي]

من حب مثلك ولو من دون مصلوحـي ,, أن أشهـد إنـه حفـر قبـره بيديـنـه
ابوسعد

جمل الله القصيد اللي تقوله

لاهنت وصح كلك

بدر

[فهد الدباسي]

عبدالرحمن سعد



و نصٌ جديد ينبض بـ المشاعر و الأحاسيس



يستحق الحضور مرةً أخرى


سـ أعود