مـغرورة .. !!

[شيمة]

بعدك ياقلبي تسألني .. /
عنه / ؟!!


بعدك تنشد وتقول
معقولة من حبه انتهينا ..
هذا و نحن بعدنا و الله ما ابتدينا .. !!!!




لك الله قلب .. /
هو نحن بعدنا ماانتهينا ؟!!





وكل هالعمر اللي مر وبكانا
ونحن على الغالي بكينا
موب دليل على انا انتهينا ..!!






جيش المحبة مات باقي فلوله .. و جرحك زبني والتجى فيني ادخيل






و


الدنيا لي مرت
وفرقت
حتى قبل لاتسلم ايدينا




ونحن سهارى
ننتظر البداية
وأثر السنين طافت
وتغيرت الوجوه
اللي أحيدها في المرايه ..!!





وانا بعدني أقول :


ترانا بعدنا ما بدينا
بعدها معطرة للقا والسلام
كفوفنا
وهو نسانا
و نحن معك يا قلب مادرينا / !!



عرفت الحين .. / ؟
اننا من عمر ضعنا



وانتهينا ..!!





!


!

الله لا حلّك / ولا باحك=ان جان مني / تبغي الحلّي ..؟!!
أبشر تهاوت / والله أرباحك=متذبذب ٍ سهمك / و مختلّي
معتوق قيد / و مُطلق اسراحك=دوّر لقربك عقبي / امهلّي
و يا بعد سعدك / قفّت أفراحك=هذاك نجمك / خرّ من علّي
عافت حرار المجد / تلواحك=ستّل جناحي / فوق متجلّي
دانة بحر / ماهي لسبّاحك=طواه موج اليمّ / و مولّي
والبدو شدّت / وانت بمراحك=ناخذ من الشيمات / و انخلّي
ما عاض شمسي / نور مصباحك=و مني البدر / يغشى و يخجلّي
هوّن على فركك / لمسباحك=ما خلق والله / في العرب ( مثلي )
مغرورة / برقي لا بدى ولاحك=تتغير اعلومك / و تذهلّي
جتني الذلايل / تحمل اسلاحك=صوبي تخّب / امسلمة لاجلي
لي هامة ٍ / تتسيّد ارماحك=والصعب ناخ / ويرتشف سهلي
عقب الملاك / اتعوّض اشباحك=و اصفق بخمسك / وين لمسلّي
شربي الكرامة / وانت لك راحك=أسجد ع رمل / أنصاه و أصلي
أنا أحمد اللي / بدّل اجراحك=ابشيخ / يدرى القلب و يجلّي
لي قال : ( شيخة ) / سنه الضاحك=يا لبى قلبه / طرت و أحلّي
و يا شوق بالله / عطني اوشاحك=باشم ريحه / و أنتثر كلّي
و الله فيني / حلّك و باحك=والغير .. ؟ / لا أبيحه و لا أحلّي ..!!

[بسـام بن عبدالعزيـز]

الشيخة



صح قلبك

ولي شرف المرور الأول

تسلم يمينك



احترامي

[شيمة]

المشاركة الأصلية كتبت بواسطة بسـام بن عبدالعزيـز

الشيخة



صح قلبك

ولي شرف المرور الأول

تسلم يمينك



احترامي

يسعد صبحك البسام
الشرف لي لاعدمتك اخويه

[ظافر الأحمري]

سلمتي وسلم نبضك على هالنص الراقي

سجلي اعجابي ومتابعتي ولك تحياتي

الشيخة ( روح المنابع )

صح لسانك واحساسكـ

ودام لى نبض قلبكـ الراقى


نغم

[فهد الدباسي]

حضوركِ شرفٌ لنا دائماً يا وافية



حضورٌ أنيق و رائع كـ عادتك يا متميزة




صح لسانك أختي

تقبلي تحياتي

[محمد الناصر]

نص مليءٌ بالشجن و الروعة

..
قراءته تسر القلب و تسعده

..


الشيخة


سلمتي

[عبدالله الخليفة]

الشيخة


نصٌ جميل و حضورٌ راقي


صح لسانك و جاد بيانك


تحياتي

[فايز بن ماجد]

الله على الابدااااااع

يالشيخة

صح لسانك ملايين

تحياتي

[محمد الفرحان]

.

.

حضور أول في متصفح الجمال / الشيخة

وسيكون لي عودة ان شاء الله .