رســــالة رضــــأ

عبد العزيز بن محمد · 22-05-2006, 07:34 PM

اعضاء منتديات منابع الأدبية

السلام عليكم ورحمة الله وبركاته ؛؛؛

اعود .. إليكم
لأقدم اعتذاراتي على انقطاعي طوال الفترة السابقة ..
ولأصب في قلوبكم قصيدة متواضعة اخترتها لكم من الأرشيق لقصيدة " الأم " اتمنى ان تنال رضاكم .. وتتلبس بطهركم ..

من أم الهــم رافقـها على درب الشقــا بحـرمـان=رســــالة رضـا بأهـديك وليتك تقـرأ وجداني
يا يمـه .. كـم تحـريتك تجي توقـظ لي البيبــــان=أقـول أوليــدي واعـدني يبخــر بيـده أكفــاني
أقـول / أوليدي ما ينسى ولـو يتغـافل الأشجـان=حليب أرضعته من قلبي ودفوة لمة أحضاني
أقول / أوليدي ما يطفي سراج العمر بالعصيان=أقول أوليدي ما يبخل بعـمره يوم من شــاني
أقــول / أوليدي يا جـاره حـلاوة زينـة الشبـــان=تعـهد بالوفــا لـربه على شيلي .. وأحســاني
أقـول / وتنعـثر ونه على صــوتي من الفقــدان=وجع كبدي عليك أدمى سنيني وشب كتماني
يا يمـه .. لا تطــول في غيـابك والسفـر ميــدان=يا خـوفي لا يُتـوه أمـرك وتبقى قلب وحداني
اناديلك ويرجـع لي رجــا طـير الصـدى حـيران=ترده عن بلوغ أذنك قســاوة طـوب جـدراني
وتوحشـني إذا مـا جيت تقــرا عنـدي القــــرآن=وإذا مـا جيت إذ جتني حيـاة القلـب ترعــاني
حبيبي يا ضنــا كبــدي تلبـس عن شتــا بـردان=وطهـر روحـك العـطـرة بآية تروي ظميــاني
طموحـك يمه وادعي لك إلهي يرزقك بإيمــــان=يصـبر قلبـك وقلبي على بعـدك عن أعيــاني
يا وارث دم أبوك أرقى بعيني واكتب الهتـــــان=على رمش المكـان اللي تدلــت منه عيــداني
حــرام أن الكحــل بعــدك يرق بداخـل الأجفـــان=ما دامك آخر أعذاري لنظره كحلـها أعمـاني
متى ترجـع وتتـزوج ؟! وأذل بجيتـك أحـــــزان=نسجها عنكبوت البعد وتصبح آخـر أحـزاني
يا أول طفل من رحمي ورحمي من الكبر ذبلان=إذا الله كاتبك ترجـع عساني ما أنجب الثـاني
تعـال أرضـع ألـم حسـرة فـراقك داخـل الوجـدان=كوت لي خاطري يمه وبرت سـاحة الجــاني

\
\
\

وتقبلوا مني أرق .. واعذب .. التحــاياا

نواف السعدوني · 22-05-2006, 09:49 PM

عبدالعزيز

حيااااااااك الله وانا اخوك

الله عليك والله على بووحك

جميل مااكتبت اخي

والأم

كنز الدنيا

لاتقدر بثمن

صح السانك اخي

ولاهنت

تحيتي لك

السعدوني

فايز بن ماجد · 22-05-2006, 11:27 PM

ياهلا

ياعبدالعزيز

صح لسانك

كتبت وابدعت

والام تستحق الكثير

تحيتي لك

الجـــــوهره · 23-05-2006, 12:23 AM

أخوي عبد العزيز

صح لسانك و إعتلى شانك و لا هنت

((يمــه)) هذي لوحدها أعظم قصيده بالكون

لك تقديري و إحترامي

وليد الخالد · 23-05-2006, 02:49 AM

عبدالعزيز

جميله ورائعه

صح الله لسانك

دمت بهذا الجمال

..

محمد الفرحان · 23-05-2006, 07:14 AM

سأعود يامبدع

مـــــلاذ · 23-05-2006, 07:26 AM

عبد العزيز بن محمد

دمت بهذا الإبداع والله

صح لسانك

عبد العزيز بن محمد · 23-05-2006, 08:16 AM

اقتباس:

المشاركة الأصلية كتبت بواسطة نواف محمد السعدوني

عبدالعزيز

حيااااااااك الله وانا اخوك

الله عليك والله على بووحك

جميل مااكتبت اخي

والأم

كنز الدنيا

لاتقدر بثمن

صح السانك اخي

ولاهنت

تحيتي لك

السعدوني

نواف محمد السعدوني

الف شكر لمرورك ..
وصح الله بدنك ..
وطهرك يا غالي ..

شكراً لكرم حرفك ..

وتقبل ارق التحايا .. وحلو الأماني

عبد العزيز بن محمد · 23-05-2006, 08:18 AM

اقتباس:

المشاركة الأصلية كتبت بواسطة فايز بن ماجد

ياهلا

ياعبدالعزيز

صح لسانك

كتبت وابدعت

والام تستحق الكثير

تحيتي لك

فايز بن ماجد

الله يحييك ..
وصح الله بدنك.. وكلك

شكراً لإطراءك ..

وتقبل ارق التحايا .. وحلو الأماني

عبد العزيز بن محمد · 23-05-2006, 08:21 AM

اقتباس:

المشاركة الأصلية كتبت بواسطة الجـــــوهره

أخوي عبد العزيز

صح لسانك و إعتلى شانك و لا هنت

((يمــه)) هذي لوحدها أعظم قصيده بالكون

لك تقديري و إحترامي

الجوهرة

صح بدنك ..
ولا هــــان غاليك ..
وتسلمين اينما كنتي ..
والله يحفظ امهاتنا ..
وامهات المسلمين من كل مكوره ..\

وتقبلي ارق التحايا .. وحلو الأماني

لوحة التميّز الشهري (قريباً)

قريبا	قريبا	قريبا	قريبا	قريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)