أصص / لا لا تقول شي / بس / لقلبك أهذي .. !! .....

[شيمة]

وينك ..
يا ساكن بين قلبي وبيني ..؟!!

[شيمة]

طمني عليك
يا نازع روحي من يميني ..!!




( فنيال شوق .. وخوف )

[شيمة]

من قلة الحيلة
قمت أدورك في خطوط بصماتي
و بين ثنايا
غرة و جديلة .؟!!

[شيمة]

و أتلمّس بواقي عقلي وروح
يا غالي الجروح


يمكن
ألقى ولو قليله ..!!

[شيمة]

كنت أسولف لقلبي عنك
موب من زمان
من دهر .. بس ..!!



يعني من شوي ..!!

[شيمة]

شفت ..
ما قلت لك مافيني شي ..!!

[شيمة]

بس سقم حال
بقرب النهاية للجسد المنهك غلا
يهمس / و يشي ..!!

[شيمة]

غفيت على كف جرحك


و كأني بكيت في عيونك
و رقيت جبل حزني
وسط كونك


مرة أحبو ..
ومرة تعذرني المشي ..!!

[شيمة]

المهم ..
انته بخير ..؟!!


خلاص .. لايهمك ولو شفت نعشي ..!!

[شيمة]

ارقاها هالضلوع موت
وردد في جوفي صرخة و صوت


وافرش آخر الليل لنومك
صدري ورمشي ..!!