،،وتـــرحـل،،

[عبدالله العويمر]

وترحل تحسبني لارحلت اقدر على النسيان ! = وانا اللي لاطرا طاري رحيلك ضعت بشتاتي
دخيلك ،،بسألك لارحت منهو فيننا الخسران = أنا والاّ انت ؟،،جاوب قبل ماتكتب بي آهاتي
أنا اللي من عرفتك والسما قوس ، وغلاك الـوان = وأرضي تعزف اهزوجة فرح لاجتْك خطواتي
وصوتك غيمة ٍ أحيت جفافي ، والوصل هتّان = وحزن عمري يموت بضحكتك ياكل بسماتي
تعرف انك غلاي وراحتي ، وان التعب لابان = يموت ان جيتلك ياللي هواك اجمل حكاياتي
وتعرف اني على بساط انتظاري أجمع الأحزان =واكبّلها اذا وصلك اخذني من متاهاتي
انا من قبل اعرفك مالقيت لهالعمر عنوان = سوى : حزن وأمل ضايع ،ويأسي هو مداراتي
أنا من قبل اعرفك كنت اقول ان الغلا حقران = واقول ان الهوى كذبه ،،قناعاتي كما الآتي :
قليل اللي صدق ،،واللي يخون بهالزمن كسبان = كثير اللي يمرون ،،وقِناعاتي قناعاتي
وجيت انت وعرفت اني بحكمي كنت انا الغلطان = وصرت انت القناعات ،،وحنيني إتجاهاتي
دخيلك ،،مابقى فيني شعور ٍ يحتمل خذلان =دخيلك لاتخليني أسير ليأس راياتي
أنا مدري عن اللي لي تشيل بداخل الوجدان =شعور بحب ،أو رغبة تشمّت بانكساراتي
وكل اللي ابي تعرف: انا مااقدر على النسيان = لأني جيت لك كلي ،،وصعب آعيش بشتاتي

[غريبة دار]

اخي عبدالله العويمر


ألف صح لسانك على هذه القصيدة الرائعة


لا هنت ولا هان قلمك الجميل


تحياتي العطرة


اختك غريـــــــــبة دار

[all1=#FFFFFF]وترحل تحسبني لارحلت اقدر على النسيان !
...............وانا اللي لاطرا طاري رحيلك ضعت بشتاتي
دخيلك ،،بسألك لارحت منهو فيننا الخسران
................أنا والاّ انت ؟،،جاوب قبل ماتكتب بي آهاتي
أنا اللي من عرفتك والسما قوس ، وغلاك الوان
................وأرضي تعزف اهزوجة فرح لاجتْك خطواتي
وصوتك غيمة ٍ أحيت جفافي ، والوصل هتّان
................وحزن عمري يموت بضحكتك ياكل بسماتي
تعرف انك غلاي وراحتي ، وان التعب لابان
................يموت ان جيتلك ياللي هواك اجمل حكاياتي
وتعرف اني على بساط انتظاري أجمع الأحزان
................واكبّلها اذا وصلك اخذني من متاهاتي
انا من قبل اعرفك مالقيت لهالعمر عنوان
.................سوى : حزن وأمل ضايع ،ويأسي هو مداراتي
أنا من قبل اعرفك كنت اقول ان الغلا حقران
...............واقول ان الهوى كذبه ،،قناعاتي كما الآتي :
قليل اللي صدق ،،واللي يخون بهالزمن كسبان
................كثير اللي يمرون ،،وقِناعاتي قناعاتي
وجيت انت وعرفت اني بحكمي كنت انا الغلطان
................وصرت انت القناعات ،،وحنيني إتجاهاتي
دخيلك ،،مابقى فيني شعور ٍ يحتمل خذلان
................دخيلك لاتخليني أسير ليأس راياتي
أنا مدري عن اللي لي تشيل بداخل الوجدان
................شعور بحب ،أو رغبة تشمّت بانكساراتي
وكل اللي ابي تعرف: انا مااقدر على النسيان
...............لأني جيت لك كلي ،،وصعب آعيش بشتاتي



استاذى المبدع

عبد الله العويمر

اتشرف ان اكون

اول من يعانق كلماتك

صح لسانك واحساسك

ملايين المرات ولا هنت

لك الود والتقدير والنقاء


نــــــــ غ ــــــــم
[/all1]

[رياض]

وكل اللي ابي تعرف: انا مااقدر على النسيان
..................لأني جيت لك كلي ،،وصعب آعيش بشتاتي

هذي عادة الأوفياء
يصعب النسيان عليهم

...

السلام عليكم
أخي عبدالله

لاهان منطوقكـ
قصيدة تفوق الوصف وأحاسيس رقيقة جدا تنم عن شاعرية فريدة

تقبل صادق التحية

ريـــاضـ

[أحمد الجعيد]

.
.

الراقي /
عبدالله العويمر..

لا تزال تسكن..
سويداء الشعر..

ما دام..قلمك..ينبض

صح قلبك / كلك

.
.

ودمت بحب...//

[باتل عبدالعزيز]

الغالي عبد الله العويمر شعر وفن حلال عذب وخصب
يبتدي الوصف ولاينتهى الا على نهاية اخر شطر ، بيت

انامن قبل اعرفك مالقيت لهالعمر عنوان
سوى : حزن وأمل ضايع ،ويأسي هو مداراتي
أنا من قبل اعرفك كنت اقول ان الغلا حقران
واقول ان الهوى كذبه ،،قناعاتي كما الآتي :
قليل اللي صدق ،،واللي يخون بهالزمن كسبان
كثير اللي يمرون ،،وقِناعاتي قناعاتي

دمت محلّق في سماءك الرحبه
وبالشعر

[خالد بن علي]

أجمل ماقرئت لك هنا

فعلا جميل وقلم راقي

دمت بهذا العطاء سيدي

[لون الثلج]

:


عبدالله العويمر..

يعجز اللسان عن وصفها

وتقف الكلمات حائرة عند بابها

فلك مني جزيل الشكر والاحتراااااام..

.

[نواف السعدوني]

عبدالله


الله عليك والله على بوووحك


صح السانك واعتلى شانك


تحيتي لك


السعدوني

[سليمان العقيل]

صح لسانك وتسلم يمناك

حضور متألق جدا واروع من رائع


تحياتي لك ولقلمك المبدع