أبيات لم تكتمل

[محمد الفرحان]

.

.

مبطي لعبناها : عروس وعروسة = واليوم نلعبها : عشيقة وهايم

كنت العريس اللي نجح في دروسه = وكنتي عروسٍ حظها دوم نايم

..

[محمد الفرحان]

.

.

لايخدعك ضحكي ترى داخلي هم = وفيني من الاحزان قعدة وقومة

احاول اخنق عبرتي واتبسم = واصبر على ضيم الزمان وهمومه
..

[محمد الفرحان]

.

.

علمتني وشلون احبك واراعيك = وعلمتني وشلون اقدر ظروفك

مديت لي كاس الغلا من اياديك = وعلمتنى وشلون أعشق حروفك
..

[محمد الفرحان]

.

.

عقب الحوادث واصطدام المواتر = صرنا نتابع انقلاب القطارات!

طلع بيانٍ بارد الوجه فاتر = ماكن بالموضوع جرحى واصابات!!
..

[محمد الفرحان]

.

.

عبرات قلبك داخل الصدر ترقى = تشارك انفاسك على شكل زفرات

عينك لاجات من ازرق الدمع غرقى .. هذي ضريبة حب نابع من الذات

..

[محمد الفرحان]

.

.

كل الذي حولك يردد شعورك = ملامحك : صمتك ونظرات عينك

[محمد الفرحان]

.

.

ماتجتمع بالعقل ذكرى ونسيان = الأجمل يكونون ذكرى جميلة

[محمد الفرحان]

.

.

انا رجل شرقي واحب التملك = مااحب احد غيري يشاهد عيونك

[محمد الفرحان]

.

.

‬‏ يبقى الطفل في داخلي يطلب اشياء = من ضمنها نظرة ولمسة حنونة

[محمد الفرحان]

.

.

يبقى الوفا عنوان دربٍ مشيته = ووالله ماأمشي دروب النذالة

انت الوحيد اللي بعمري هويته = وببقى معك وافي على كل حالة

..