معلومة هامة لأصحاب البلاك بيري والآيفون

[زهر البيلسان]

أخوتي الأعزاء

أخواتي العزيزات

بعث لي شقيقي الغالي هالموضوع بالبلاك بيري

ولأنه ضروري قلت أكيد بيهمكم

حبيت أكتبه لكم مثل ما وصلني بالحرف الواحد

وصلني من رجال صاحب محل تلفونات وكبير مهب صغير

إنه إذا صورتوا في البلاك بيري ترى الشركة يقدرون يشوفون الصورة ويحددون موقع الصورة وتاريخها والوقت وكل شيء

والحين أبيكم توقفونها من جهازكم

أووووول شيء ..

أدخلوا على (الضبط)

بعدين (خيارات متقدمة)

وأدخل على GPS إلي يحدد المواقع ..

مكتوب (قيد التشغيل)

حطوا ((متوقف عن التشغيل))

تعليقي المتواضع

يعني الحين شركة البلاك بيري فاظية تشوفنا وين مصورين ولا وش صورنا

وكنه ما فيه إلا ألف مشترك !

ملايين المشتركين عندهم!!

عموماً

هالحركة ترى موجودة في الآيفون بعد

وأتوقع في أغلب التلفونات عشان لو صورنا وبغينا نعرف وين التقطنا الصورة

نقدر نعرف

وبصراااااحة

أنا ماعندي خبرة كبيرة في هالسوالف لكن أتوقع هالشي

ومب خسرانين شي.. سووا هالحركة للأمن والاطمئنان

في أمان الله ودمتم بخير

[الطيبة]

ربى يحفظك يا زهرة واشكرك على المعلومة المهمة يعطيك العافية ودمنى بخير :)

[زهر البيلسان]

والشكر موصول لكِ

غاليتي الطيبة

يسعدني جداً تواصلكِ الرائع كروعتكِ

دمتِ كما يحب الله أن تكوني

[ملكة الليل]

عالم فاااااااضيه

كل اللي معهم بلاك بيري حاطين رمز القفل

والحين ببشرهم ماله داعي دام الشركه تتطلع على اسرارهم

الجوال له خصوصيه ومحد فاهم هذا الشي ,,,

حسبي الله عليهم فيه بنات يصورون اهلهم وخواتهم

ومناسبات خاصه فيهم!!

الله يعين التكنلوجيا مو سهله من جد يبغى لها احد يفهمها

مشكوره زهوره على التنويه والله يعطيك العافيه

[زهر البيلسان]

الله يعافيك حبيبتي

ملكة الليل

أتمنى أن تكوني قد استفدتي من هذه المعلومة

أسعدني جداً تواجدكِ الجميل

وتعليقكِ الأجمل

كرري زيارتكِ

دمتِ بحفظ الرحمن

[مراجن]

زهر البيلسان
يعطيك العافية عالمعلومة المهمة
قلنا نرسلها للي عندهم بلاكات >> حلوة بلاكات
تسلم الأيادي ياغالية
لك ودي وأمتناني

[العف الخجول]

ايوه انا كمان قريت ع اللي يرسلو صورهم
ع طرق الوسائط كمان يقولو يقدرو يشوفوها
بس البلاك بيري الحمدلله ماعندي
ومرررره مااحبه احسه كبير وحق شباب مو لايق ع البنات <<اختلاف الرأي
ويسلمو حياتي ع موضوعك ولايهمك ابلغ صديقاتي ان شاءالله
الله يعطيك العافيه ياعمري

[زهر البيلسان]

سلَّمكما الله وعافاكما

أختاي الغاليتان

مراجن

العف الخجول

لا شكر على واجب فإني عندما أعثر على معلومة هامة

أجد أن فيها فائدة للجميع

أحرص على إبلاغكم بها

شاكرة جداً تواصلكما الدائم الذي يشجعني على تقديم المزيد من كل شيء مفيد

لا حرمت صفحاتي من تواجدكما

ودي لكما

[قديم الشوق]

زهر البيلسان

أشكرك على هذا الموضوع الرائع والمفيد

والله يكفينا شر التقنية

وتقبلي فاائق تقديري واحترامي

[أوراق الماضي]

غاليتي الحبيبة..زهرة البيلسان..
عبق معلومة رائعة والله يحفظنا بناتنا من شرور التقنية الحديثة..
لاعدمناك مميزتنا الغالية..