أمّـا كـــــذا ولاّ فـــــ لا ......

[فايز آل بذال]

السلام عليكم

الغايب اللي عن مرابيعه جلا

........................ مدري من اللي بالصدود محرضه

مرّت سنه وأنا أنتظر كنّي على

............................ جمرٍ توقد من شناظيف قرضه

أسهر واحاكي صورته يوم الملا

............................... تهجع وجفنه بالمنام يغمّضه

ذاك الجفول اللي جمع كل الحلى

............................كل ما وعد يرجع لوعده ينقضه

اللي علـــشانة تبلاني بــلا

.......................... كل شيَ غير معانقه منه أرفضه

أمّا كذا يا سامعي ولاّ فلا

............................إن ما يجي كله فلا يغني بعضه

إلاّ إذا قلبه من احساسه خلا

..................................ولاّ لقى حبٍ جديد يعوضه

كان المفارق عن مرابينا سلى

.............................. بصبر وأمري للكريم مفوضه

ماهوب أبد يا صاحبي غصب الغلا

...................... ماهوب أنا اللي غصب حبه يفرضه

لالالالا / لالالالا / لالالالا

............................ماهوب وجهي للمقفّين أعرضه

عذراً

[عبدالله النعيمي]

أمّا كذا يا سامعي ولاّ فلا



............................إن ما يجي كله فلا يغني بعضه

استاذنا العزيز وشاعرنا الكريم فايز ال بذال , سعدت بمصافحة نصك الجميل , صح الله لسانك واعتلا شانك , لا تحرمنا جديدك طال عمرك. دمت بود

[نايف الروح]

صح السانك اخوي والله يعطيك العاافيه على هالابداع


قصيده تستحق الاشاده وبقوه




ماننحرم من جديدك





تحاياي


نايف الروح

[قديم الشوق]

فايز ال بذال

صح لسانك على هذه القصيدة المميزة

دائما ً جميل وتأتي بالجميل

الله يعطيك ألف عافية

وفي انتظار المزيد من هذا الجمال

وتقبل فااائق تقديري واحترامي

[رمثي رحيمه]

القديرفايزالبذال
صح منطوقك ملايين نص جميل راق لي كثيرا
مودتي