بعض البشر تملك صكوك الصداره

[سامي احمد]

السلام عليكم ورحمة الله وبركاته

اسعد الله مساء الجميع ومن بعد غياب اسمحوا لي
وللتواصل مع الجميع خالص الود واجمل الورد

+

سر يا قلم واكتب على طرق منصور=خل المحال الصعب سهل العباره
قدر الرجال ولو ملايين مقدور=حنا اهل النخوه شموخ الحضاره
غير الوفا ما بيننا صار محذور=والشامخ الفنان ماشي قطاره
واللي عناه الليل والوجد واشعور=يوصف عذابه كيف بط المراره
يا ناس ما عرف المزايين واصقور=حتى طلوع البر ناسي مساره
أقسم أحاول منذ ايام واشهور=لكن بلا اجدا ويش لي في مداره
يا صاحبي ما عاش بكّاش مخبور=ما علموك الناس عندي شطاره
ترى الشعر من يوم ما صار مزرور=هذا بيان القلب هذا قراره
خذ اعترافي لو ابي صرت مشهور=حتى الاسم تقراه عند الاشاره
لكن نجوم الكون ما تلف وادور=بعض البشر تملك صكوك الصداره
لا تحسب اني بالفكر صرت مغرور=كود المحبه ما تجي بالعساره
عايش على ما قالوا الحال ميسور=والبال صافي من رضا يا سماره
لو كان قلبي من عنا الود مقهور=لو زاد بيه الويل واصبح عواره
لو يدفعون المال مانيب مجبور=امدح كبار الناس وانسى صغاره
ماانسى انا غالي ولو كان معزور=بالمال والزادي امد الزياره
هذي طبوعي للمواجيب واحضور=القلب حاني ما يطيق الحقاره
قدرك ترى بالقلب خالي من الزور=والدار دارك والمحبه خفاره
ان جيتني قلت الهلابيك والنور=وان رحت عني أشهد انها خساره

سامي احمد الدحيلان

[ناقد صريح]

سامي احمد

صح لسانك

كلمات شاعرية جميلة

وقصيدة مميزة لأبعد حد

لا تحرمنا من هذا الإبداع

ولك كل الود

[قديم الشوق]

شاعرنا / سامي احمد

صح لسانك وأنا أخوك

دائما ً عذب ومميز

ألف شكر على هذا الإمتاع

وتقبل فااائق احترامي

[عروس الأشعار]

آشْهَد إنْهَا خَسَارَهْ ..
لمِنْ تَفوُتَهْ قِراءَتكْ .. صَحْ السَانِكْ .. وآعتَلا شَانِكْ .. كَتَبتْ فأجَدتْ ..
لاهنتْ .. مَوَدِتِيْ وَتَقدِيِرِيْ ..

[بقايا جروح]

قمة الابداع

وقليله بحقك كلمة ابداع .. وافيه من راس وافي

صح الله السانك مليار .. ولاهنت وهان بوحك العذب

دمت بخير