هذه القصيده للي يحبون الغزل
العين تسهر والعباد رقود @ والقلب الاقشر ويش اسويبه
وهموم قلبي كل يوم تزيد @ هاجوس يوديه ويجيبه
على الشقاوه والعنا محدود @ مالله كتب تصفي مشاريبه
قلبٍ تلاعبه هبوب النود @ ولا ذعذع النسناس يسريبه
له قصة منها يموت العود @ وتابس عروقه في دواليبه
قصه تشيب قصة المولود @ والي قبل جربه يدريبه
قصه حقيقيه عليها اشهود @ والشاهد الله في مراقيبه
اثر الغلا يصير ماله فود @لا صار ماتلحق مطاليبه
واثر الغلا يصير سم اكبود @ لا صار ماتبرى عواطيبه
واثر الغلا مثل اليال السود @ لا صار ماتامن عواقيبه
هذي ثمان اسنين ولا زود @ والقلب ماتطفي مشاهيبه
على وليف يبذل المجهود @ يقبل بقلبي ثم يقفيبه
أنت غير مسجل في منتديات منابع الأدبية . للتسجيل الرجاء إضغط هنـا
13-02-2009, 02:16 AM
غزليه بنت غزليه
صالح البحيح 
العرض العادي
