غــــــطـــــــرســــــــــت شاااااااااااعررر

[سالم محمد اليامي]

بعد ان طلبها اغلب الزملا هذه القصيده جبناها بينكم

وين انت يـاوادي العشّـاق والرقـهّ=بنهـل حـروفٍ جميلـه ماتعاكسنـي
تمشي على حسب تفكيـري وبالدقّـه=كن الشعـر قـال فهمنـي ودرسنـي
وطرقت باب القصيد بنفـس مندقّـه=في ليل بـرده يروعنـي وقارسنـي
للـي غلاتـه وحبـه زايـدٍ حـقّـه=من اخمص الرجل لين الراس تارسني
ممشوقة الطول ذات العـود ممشقّـه=ذات القوام اللذي بالحيـل يهوسنـي
واللي من النـور والبنـور مشتقّـه=مخلوق نادر عن العالـم موسوسنـي
اطرق جماله يشـق الكـون ويشقّـه=والموت حبـه تلبسنـي ولاابسنـي
تفتر فـي داخـل الشريـان وتعقّـه=في وسط دمي يلاعبنـي وحارسنـي
واقول خلوه من كيفـه ومـن حقّـه=يامـر وينهـى واذا وده يفارسنـي
لنه مع القلـب فـي الدقـه وبالدَقّـه=متواجـدٍ وسـط خفاقـي يحمسنـي
ولنه سواليف شعـرٍ فـوق مرتقّـه=من فوق كل البشـر محـدٍ ينافسنـي
كتلة وفـاء والغـلا زايـد ومتنقّـه=لبيـه كلـك وكـلـك ياملامسـنـي
يكفي بأني وسط قلبـه وفـي شقّـه=بين الحنايـا موزعنـي وغارسنـي
ولا سلب عقل ابن عسكـر ولا بقّـه=الا غيابـه واذا عصـب يلاسـنـي
يعني غيابه يخـرش الكبـد ويطقّـه=وتعصيبته غيرته يبغـى يحسسنـي
فيها صفـات البرائـه طفلـه ولُقّـه=بالشعر والطيب امارسهـا تمارسنـي
لاعضة شفاتهـا ثـم قامـت تمقّـه=كنها رضيعٍ يمـق الثـدي باالسنـي
لا شافها الشيخ ابو لحيـه ومتفقّـه=ضاعت اعلومه وقـال الله يحرسنـي
لا ياعبّيـد خـذ الخفـاق قـم هقّـه=قله غيابه تـراه اقشـر وحايسنـي
في غيبته عبرتـي بالحلـق وتزقّـه=والصدر ضيّق على انفاسي وحابسني
ياكبريائـي وكـل النـاس يااانـقّـه=من حبـك الصـادق الله لا يفلسنـي
ياغطرست شاعرٍ قافـه علـى أقّـه=والعجز جابه على شانك على أسنـي
هذا خفوقي معك قم فـز ثـم سقّـه=واسمع شطر بيت ثابـت ويتنفسنـي
اسمـع كلامـي وباالتحديـد والدقّـه=حبك علي بالطـلاق انـه ينومسنـي

[فيصل العمري]

بيض الله وجهك

وصح السانك

جزله من راس جزل

تحياتي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[جمال العتيبي]

سالم اليامي


صح لسانك مليون يامبدع

بدات معك من هنا

وين انت يـاوادي العشّـاق والرقـهّ
بنهل حـروفٍ جميلـه ماتعاكسنـي


وانتهيت هنا

::::
::

اسمع كلامـي وباالتحديـد والدقّـه
حبك علي بالطـلاق انـه ينومسنـي


:

ووجودك ينومسنا يالرائع


تقديري

[ونين]

اخي سالم اليامي

صح لسانك وسلم بنانك

شكرا على هذه القصيدة الجميلة

تحياتي

اختك ونين

[خالد بن علي]

اااااااااااااااالله عليك

وعلى حضورك الشاهق

حروف لها كثير وكثير

مع معالم الجزاله

[التميميه]

صح لسانك ولاهنت

ابيات اكثر من رائعه

[محمد الفرحان]

.

.

حجز ولي عوده ان شاء الله

.

.

[فهد الدباسي]

سالم اليامي



أنت راقي و حضورك دوماً جميل


سـ أعود لك يا راوي

[مزون المحمد]

حضور أول

ولي عوده