بنت درويشه

[مزون المحمد]

لقلوبكم علّها تروق لكم ..

وقفت أعاند الأيام وابني حلمي الدرويش=مدام إن الثمن شطحه باجيب الحلم في حينه
غمض جفن الزمن عني وحوشت القصص تحويش=عرفت بقصة التوته وسمعت بقصة التينه
نظرت لعيني الجردا لقيت من الصور تشويش=بداية حلم تجرحني قيود الواقع بعينه
حلمت أروي ظما شفاهن جرحها الوقت بالتعطيش=حلمت أركض ورا نورن عجزت آلامس يدينه
حلمت اغمّض عيونه وابعثر من جنوني طيش=و أرد اجمع شتات الطيش واتعوذ شياطينه
حلمت استفزع جنودي وأمده من وفاي الجيش=واجهز له سرايا الشوق توقف معه وتعينه
حلمت اني أسيرة حرب يروّع قلبي التفتيش=لقوا فيني جروح الحب وقالوا لي تحبينه؟!
نطق فيني سكوت الذل يجاوب صرخة الشاويش=فتق فيني عروق الخوف على مابيني وبينه!
بعد باقي حلم صاحي على فجرية التغبيش=وصل حلمي حرار الحوم وتحليقة شياهينه
حلمت اني بحمى طيري هذاك الحر ابو التدويش=مخاليبه تهوز الصيد وانا ريشه بجناحينه
حلمت وضاعت أحلامي مابين الصد والتطنيش=حلمت وماصحيت إلا على هالجرح وسكينه
أحد يحلم على فرش النعام وبعثرة هالريش=يشوف إن الحلم ملكه يبيعه عقبِ تثمينه
وأحد يحلم على بساط الفقر متوسدن هالخيش=قضى ليله بحلم الدين وديانن يبي دينه
هنا تضحك علينا أحلام وتاخذ عمرنا بخشيش=تحسب ان العمر ناقص ألم وجراح "مسكينه"
هناك أحلم حلم يشهق على صدري قبل لايعيش=يموت بحظه العاثر قبل لا اصافح يمينه
جزا الله طاري الأحلام تجي صفعه على الدرويش=يسامح ربي ظنوني ويثبّتني على دينه
يموت القلب وهو عايش صفر في خانة التهميش=فلا ينفع ولايرفع يسار الصفر تدوينه
مدام إن الثمن شطحه أبد لاتختنق "معليش"=يجي منهو يتل الحلم ويبري علة سنينه

وسلامة كل من مرّ


مــزون

[فهد الدباسي]

نص مؤثر

و عميق الأثر و يعانق الوجدان


تتوه الأحرف أمام نصٍ يحملُ هذا الكمّ من المشاعر

و بـ هذه الصياغة الجزلة بـ حجم الحزن الساكن فيها

كيف لا و قد تعلمنا من قراءاتنا و كتاباتنا

أن الحزن هو أجمل مايُكتب و مايُقرأ



صح لسانك أختي مزون

تقبلي تحياتي

[مزون المحمد]

المشاركة الأصلية كتبت بواسطة فهد الدباسي

نص مؤثر

و عميق الأثر و يعانق الوجدان


تتوه الأحرف أمام نصٍ يحملُ هذا الكمّ من المشاعر

و بـ هذه الصياغة الجزلة بـ حجم الحزن الساكن فيها

كيف لا و قد تعلمنا من قراءاتنا و كتاباتنا

أن الحزن هو أجمل مايُكتب و مايُقرأ



صح لسانك أختي مزون

تقبلي تحياتي

فهد الدباسي

تتوه الحروف أمام ردٍ كـ هذا الرد الشامخ بحضورك

لا أستغرب عمق ردودك فهي تحمل فكر راقي من كاتبها ومبدعها

هنا فقط .. أيقنت بأن للردود إبداع لايتقن فنه إلا قليل وأنت منهم أخي فهد

لاخلا ولاعدم

دمت بألف خير أخي

[لون الثلج]

:

م ــــــــزوون
لــي رجــ ع ــــــه

.

[مزون المحمد]

المشاركة الأصلية كتبت بواسطة لون الثلج

:

م ــــــــزوون
لــي رجــ ع ــــــه

.

لون الثلج


لازلت أنتظر عودتك غاليتي

[عبدالله الخليفة]

مزون المحمد


نصٌ جميل و حضورٌ راقي


صح لسانك و جاد بيانك


تحياتي

[( حايره )]

وقفت أعانـد الأيـام وابنـي حلمـي الدرويـش
مدام إن الثمن شطحه باجيب الحلـم فـي حينـه
.
.
ليتنا نستطيع معاندة الأيام ومواجهتها بالأحلام
ليتنا نستطيع تقديم الثمن للحلم بتلك الشطحات

هنا تضحك علينا أحلام وتاخذ عمرنـا بخشيـش
تحسب ان العمر ناقص ألـم وجـراح "مسكينـه"
.
.
آآآهــ من تلك الأحلام التي تقودنا سنوات وسنوات
وفي آخر المشوار نكتشف بأنها لم تكن سوى سراب


مزون

لتعذرني باقي الأبيات فكل بيت يقول بأنه الأجمل والأعمق
كل بيت يقول أنا المحرّك الأساسي للقصيدة
بعدها وجدت أن المحرّك الأساسي هي الفكرة .. الإحساس .. الشعور

قصيدة فيها الكثير والكثير
ألف ألف صح لسانك
ولا هنتي

[مزون المحمد]

المشاركة الأصلية كتبت بواسطة ( حايره )

وقفت أعانـد الأيـام وابنـي حلمـي الدرويـش
مدام إن الثمن شطحه باجيب الحلـم فـي حينـه
.
.
ليتنا نستطيع معاندة الأيام ومواجهتها بالأحلام
ليتنا نستطيع تقديم الثمن للحلم بتلك الشطحات

هنا تضحك علينا أحلام وتاخذ عمرنـا بخشيـش
تحسب ان العمر ناقص ألـم وجـراح "مسكينـه"
.
.
آآآهــ من تلك الأحلام التي تقودنا سنوات وسنوات
وفي آخر المشوار نكتشف بأنها لم تكن سوى سراب


مزون

لتعذرني باقي الأبيات فكل بيت يقول بأنه الأجمل والأعمق
كل بيت يقول أنا المحرّك الأساسي للقصيدة
بعدها وجدت أن المحرّك الأساسي هي الفكرة .. الإحساس .. الشعور

قصيدة فيها الكثير والكثير
ألف ألف صح لسانك
ولا هنتي

حايره


رائعة في حضورك وفي حروفك

متميّزة كـ عادتك .. قمراً بين النجوم

شاكره لكِ هذا الحضور والتميّز

دمتِ بألف خير غاليتي

[مزون المحمد]

المشاركة الأصلية كتبت بواسطة عبدالله الخليفة

مزون المحمد


نصٌ جميل و حضورٌ راقي


صح لسانك و جاد بيانك


تحياتي

عبدالله الخليفة

سعدت بحضورك الكريم وكلماتك العذبة

الف شكر ولاهنت أخوي

[حمد فرحان]

نظرت لعيني الجردا لقيت من الصـور تشويـش
بدايـة حلـم تجرحنـي قيـود الواقـع بعيـنـه
حلمت أروي ظما شفاهن جرحها الوقت بالتعطيش
حلمت أركض ورا نورن عجزت آلامـس يدينـه


حرف راقي من جد
وكلمات ولا أروع

صح الله لسانك ولاهنتي