"دمعه يتيمه"

ينابيع السبيعي · 22-12-2006, 09:39 PM

"دمعة يتيمه"

مرحوم ياللي سمعتـه ترفـع الـرأس=نومـاس علمـه للنـفـوس العليـلـه
علمه ينومس بالفخـر طيـر قرنـاس=حـرٍ نهـار الضيـق كـلـن يجيـلـه
له موقفٍ مثـل الفـرح حـزة اليـاس=بالهقـوه اللـي كـل بـارق تخيـلـه
أبويـه اللـي للمواجـيـب نـبـراس=لـه سمعـةٍ ترفـع مـقـام القبيـلـه
له الوفـا والطيـب مبـدى ونومـاس=درب المـراجـل مايضّـيـع دليـلـه
صادق مشاعر يحتـوي قـوة البـاس=ماعـاش فـي دنيـاه لحظـه ذليـلـه
خبـر وفاتـه أودع الفكـر منـحـاس=وأنشـل فكـرً ماقـوى نـزف قيـلـه
يوم الفجيعه أعتلـت ضيـق الانفـاس=مالـوم مـن عّيـت عظامـه تشيلـه
قالوا توفـى وجاوبـت هـزة الـراس=مـع سقطـة الدمعـه وفـوح المليلـه
احساس صادق وأنجرف دون مقيـاس=فيض الحنان اللي سكـن بـي رحيلـه
في داخل أعماقه كمـا طفـل حّسـاس=أستوطن أعماقي وصـرت أنتمـي لـه
كتبـت شعـري دم بكفـوف قرطـاس=دمعـة يتيمـه تذكـره كــل ليـلـه
رغم البطا ، رغم الزمن ، رغم الارماس=باقـي معـي للحيـن صـوره جميلـه
ضميتها . حطيتهـا . بيـن الاقـواس=لاضاق منها الكـون صـدري يشيلـه
صوره لها نبضي ودمعـي والاحسـاس=صـورة شمـوخ وللمبـادي فضيـلـه
جعل العوض بقلوب ماتعـرف اليـاس=تدعـي لـه الرَحمـن منجـي دخيلـه
تطلب له الرحمـه مـن الله ولا بـاس=أعـداد مـن لبـا وصـلـى النفيـلـه
عـد النجـوم وعـد ماهـب نسنـاس=عـد الشجـر وأعـداد بـارق مخيلـه
في جاه منهـو عالـمٍ غيـب الانفـاس=فـي جنـة الفـردوس يصبـح مقيلـه

ينابيع السبيعي

مشعي بن بريكان · 22-12-2006, 10:55 PM

ينابيع السبيعي

شاعرة متمكنة .... ورثائية مؤثرة ...

صح السانك ورحم الله والدك .

ينابيع السبيعي · 28-12-2006, 06:55 PM

اقتباس:

المشاركة الأصلية كتبت بواسطة مشعي بن بريكان

ينابيع السبيعي

شاعرة متمكنة .... ورثائية مؤثرة ...

صح السانك ورحم الله والدك .

اخي مشعي بن بريكان
الف شكر لعبق مرورك اخي الكريم
وجوزيت الجنة وتقبل الله دعوتك آمين
ورحم الله جميع موتى المسلمين
اختك
ينابيع السبيعي

ينابيع السبيعي · 23-12-2006, 01:39 AM

شاعرتنا المبدعة

ينابيع السبيعي

سيدة الحرف والجمال

.
.

نص راقي جميل وقصيدة

شامخة غارقة بالجمال

.
.

كل الود لقلبك

صح إحساسك ونبضك

ودمتِ لنا نهراً لا ينضب مدادهـ

مودتي

.
.

إيمان

( حايره ) · 23-12-2006, 02:45 AM

حضور حزين لكنه جميل

بكائيه أخذتنا معها في موجة حزن

بكائية أستعدنا معها تلك الوجوه التي أحببناها

لكن كان الرحيل هو المصير الذي أبعدهم أجساداً

لكن أبقاهم نبضاً وروحاً يتغذى بحبنا وذكرنا لهم

ينابيع

رحم الله أمواتنا واموات المسلمين

ألف تحية لنبضك

دام بوحك .. وطابت جروحك

ينابيع السبيعي · 06-01-2007, 03:06 AM

اقتباس:

المشاركة الأصلية كتبت بواسطة ( حايره )

حضور حزين لكنه جميل

بكائيه أخذتنا معها في موجة حزن

بكائية أستعدنا معها تلك الوجوه التي أحببناها

لكن كان الرحيل هو المصير الذي أبعدهم أجساداً

لكن أبقاهم نبضاً وروحاً يتغذى بحبنا وذكرنا لهم

ينابيع

رحم الله أمواتنا واموات المسلمين

ألف تحية لنبضك

دام بوحك .. وطابت جروحك

أختي حايره
اشكر لك عبق مرورك
ولطف وذوق ما عطرتي به كلماتي
وجوزيت الجنة
اختك
ينابيع السبيعي

ينابيع السبيعي · 05-01-2007, 11:14 PM

اقتباس:

المشاركة الأصلية كتبت بواسطة إيمان السعيد

شاعرتنا المبدعة

ينابيع السبيعي

سيدة الحرف والجمال

.
.

نص راقي جميل وقصيدة

شامخة غارقة بالجمال

.
.

كل الود لقلبك

صح إحساسك ونبضك

ودمتِ لنا نهراً لا ينضب مدادهـ

مودتي

.
.

إيمان

غاليتي ايمان
الف شكر لما امطرتنيه من اعجاب
أطر مشاركتي بالجمال
عاجزة عن التعبير ردا يليق بما اغدغتنيه من كرم
واعذري تأخر ردي
وكل عام وانت بخير
اختك
ينابيع السبيعي