طـــــــــليق الحــــــــجاج

[عبدالله بن راجس]

يزين الكلام ويفخر المجد في راعيه =وأنا لابغــيت الشـــعر ياسهل منواله
يجيني قبل لا أقوم من مجلسي وأجيه = ليا اوميت مسباحي وغنيت مواله
ألاحي طروقه وأبدّع القاف وأزكيه= عـلى مســـمع النـّـقاد يرجح بمـكـياله
ولولا كــذا .. ماينتــمــي لي ولا أفـخر فيه= ولا أرسـلت مرسالي وحظرت مرساله
وتنقـيت من جزل المعاني ورحت أهديه= على أبوي وحزامي .. دبيان وعياله
إيوالله تقـــــــدّم لـبو بادي ولا تكـفـــيه= لو أجيب بحر الشعر من جاله لجاله
خذا الجايزه في المركز اللي رقا عاليه= عــلى كل حــال أبوي يزهـاه بلــحاله
يتوج به النـخـبه ولبـــس الوفا كاســيه= راع الصـفر ياقف دون حــده وفنـجاله
عسى الشايب اللي مـثــّـل سـبيع ماتبـكيه= طلـيق الحجاج الله يكــثر من أمــــــثاله
نهار المزاحم ثبـّـت فعوله وطاريه= عــوايد هــل الغلبــــا وللخــيل خــــــياله
نــــزيهيــــن ماحنـــا بنحتاج للتنزيه= ولا كل مــن يطـــمع عــلى الفوز يحتاله
على الصفــر دايم ثــبت القــوس يا باريه= نبي نتعب اللي في طمــوحه يــــــوراله
بصفــــرٍ ليا مـــرت لراع النظـــر يثـــــنيه= تنكــّـس على صــوت المــوده وهــوباله
إليا حـــوّلت في خايعٍ والمـــطر مسقــــيه= وقضـــب راعي المــقهـور حشـوه وغـناله
وتنـــشـّـت مثل غــيمٍ تعــزّل وهي توحـــيه= نـــسى الهـــم راعــيها ويبــطي وهــو داله
مع الحاظر الواقــع وتذكر غـــلا ماضــيه= و لاهـــوب جامــعها من الســـوق برياله
ورثها من ابوانه وهــي ساس من يصخيه= يخــلد بها التاريخ ويـــذكر اجــــــــــياله
يدوم العـــزيز وتبـــطي ســـبيع ماتبـــكيه= وصلاتٍ على المـــختار وأصحابه ووأله

[( حايره )]

نهار المزاحـم ثبّـت فعولـه وطاريـه
عوايـد هـل الغلبـا وللخيـل خيالـه

والنعم

والله يا أبن راجس شهادتي مجروحه :)

تستاهلون ماحصلتوا عليه

ومنها للأفضل إن شاء الله


الف صح لسانك

ولا هنت

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[حماد القريني]

صح لسانك وجاد نظمك

لاهنت ولاهان راسك

تحياااتي

[بسـام بن عبدالعزيـز]

عبدالله



كفو والله

والله يعز شانكم

صح لسانك ولا هنت



احترامي

[حماد الحربي]

يا هلا وغلا بشاعرنا الكبير (ابو عبدالهادي)

صاحب الحضور الرائع والتواجد البهي

قصيدة جزلة ووافية


وسعداء جدا بقراءة مثل هذه القصائد لشاعر معروف من النجوم المضئية في الساحة الشعبية

ولاشك بأن شاعرية عبدالله المتدفقة لا تمثل سوى قطرات من بحر شعر أبيه الغزير

الذي يعد واحدا من رموز الشعر وأحد ملاك وعشاق الأبل المعروفين في الجزيرة العربية

ودائما ما يحرص عبدالله في أن يكون والده متواجدا في معظم قصائده لتزهى به تلك القصائد


الشكر كل الشكر على الحضور الجميل

ونأمل أن نقرأ لك هنا بإستمرار


تقبل محبتي

[فهد حمود الراشد]

عبدالله بن راجس

صح لسانك على هالقصيده الجميله

وأبارك لقبيلة سبيع بفوز دبيان في مزاين ام رقيبه
ويستاهلووون اكثر
صح لسانك ولا هنت

[مشاعل ابراهيم]

أخي عبدالله بن راجس









الله الله عليك ولله درك









ألف صح لسانك على هذه القصيدة الرائعه









التي بروعه حضورك ورقة تواجدك








لا تحرمنا من جديدك









دمت بألف خير

[قديم الشوق]

أخي الغالي / عبدالله بن راجس ..

الله على هالابداع ياغالي

قصيدة شامخة من شاعر جزل

شكرا ً على هذا الامتاع

وتقبل خالص تقديري

أخوك / قـديم الشوق