الشاعر خلف الاسيد ينير جريدة اليوم بطعنة الليالي اليوم الجمعه

[احمدعايض الشراري]

نشر هذا اليوم الجمعه في ملحق في وهجير بجريدة اليوم قصيدة للشاعر خلف الأسيد بعنوان { طعنة الليالي} وهي قصيده رائعه وكذلك أخراجها أروع .

تعال وانهب ما بقابي من احساس=خذ حصتك ياذيب بين الذيابه
ياذيب انا ماني مثل باقي الناس=راحت حياتي كل ابوها نهابه
راحت كذا مابين دايس ودواس=طعنةليالي والليالي تشابه
ماعاد تفرق لو غدى الجوهر نحاس=عندي تساوت كوبته والمهابه
هجرت سوق الحب واعلنت الأفلاس=والمارد المفتوح صكيت بابه
قلباً طواه الشوق وغصون يباس=مابللت شوبة ضماه السحابه
يكفيه ما عناه مسرى ومنكاس=مع بارقاً يشبه حضوره غيابه
وقفت اعزي فيه واقول لاباس=جرح الهوى لا بد يبرى صوابه
لحظة صفا مدري هواجيس وسواس=مير الوكاد اقنعت حضرة جنابه
ياذيب ما باقي سوى هومة الراس=تختال بايام الصبا والصبابه
ياذيب ماهانت ولا صابها ياس=شفها على القمه بصدر الرحابه
ما تنحني لو حاصروها بلاقواس=فيها الشموخ اكبر من الكون نابه
مقياسها يفرق عن الفين مقياس=في عالماً كله هموم وكأبه
دورات وقتاً ضيقت مجرى الأنفاس=فيه الوفي راحت حياته نهابه

[/QUOTE]


رابط القصيده بموقع الجريده اللالكتروني
http://www.alyaum.com/issue/article....2&I=445178&G=1

[مزون المحمد]

بالتوفيق للشاعر خلف الأسيد


لاهنت أخوي أحمد

[محمد الفرحان]

.

.

الشاعر العلم

خلف الاسيد

.

.

شاعر وانسان نفخر بكونه احد اعضاء المنابع

الادبية وهو شاعر علم شق طريقه بإقتدار ونجاح

وهو يستحق الظهور والبروز والإحتفاء من من قبل

وسائل الاعلام المختلفة . .

.

.

بالتوفيق لشاعرنا القدير وكل الشكر لك اخي أحمد

على هذا الخبر . . .

.

.

للجميع فائق تقديري واحترامي

[مشاعل ابراهيم]

الله الله قصيدة في قمة الروعه
يستاهل الاخ خلف الاسيد
وألف شكر لك ياخوي على هذا الخبر الرااائع
تحياتي لك

بالتوفيق للشاعر خلف الاسيد

ومشكور أستاذي للنقل