والحب سيف ٍ لو تسله بسله....!!!

[متعب الروقي]

فاحت دلال الحب بالحب كله =واستبشرت كل العروق بغلاها
النـــــايــــفه والعاليـــه والمطلـــــّه = واللي ينومس بالمحبه هواها
الها بنينا باوسط القلب فلّه = فلّه من الالمــاس ما عد وراها
فيها الحلا والزين طبع وجبلّه = وفيها الدلال اللي طغى ثم زهاها
وان كان صار الزين فنجال دلّه= شربت فناجيل الحلا من حلاها
والحب سيف لو تسلّه بسله =والقلب قلبي بالمحبه غزاها
والود ودي والله اني ما أملّه = ازرع غلاها لين احقق مناها
والقلب يابس وبدلعها تبــله =ترويني أطعم حب من عذب ماها
صارت ربيــع ٍ في ديــر مسفهلّه = وصارت جمال الارض زيــن ٍ بهاها
والعقده اللي مالقت اي حلــّه= هي مشكله والله يعلم خـفاها
هي مشكله كبرت وجت مضمحلّه = ولا هيب بيدين العرب واومراها
اللي تمركز جوف روحي محلــّه = " قد شاركت منهو سبب في شقاها "
الله واعلم كيف قلبي تتله = والله واعلم كيف حبي غشاها
قلبي عرف وشلون قلبك يدله =وروحي ترى قبلك تعيش بضماها
ياروض قلبي يابساتين فلـّه = يا اجمل الازهار بارضي وسماها
ياعين حرٍ طلتي فيك طلـّه = طلة غلا والعين تنشد رضاها
إشفي غليل اللي نشا فيه غلـّه = من لوعة الايام ولا غثــاها
نعم احبك حب لو فيك علـه = وابك انتي اصلا ً من علا مستواها
وو الله أخذتيني من الكون كلـه = وصرتي من احلم في لقاي بلقاها
والمنهج اللي فيه منهج وملـّه = منهج محبه والحكاوي حكاها
قصه بها التااريـخ قبل المجلــّه = سطر بها عنوان حتى رواها
والحب سيف ٍ لو تسله بسله = واطعن خفوقي فيه واصبح هواها

متعب الروقـي
8/7/1427 هــ

[حمد فرحان]

متعب الروقي

الله الله عليك

أمتعتنا بهذا العزف الذي فيه روح الأصاله

وهذا الوصف الرائع

سعدت كثيرا بتواجدي هنا

تسلم يمينك ولاهنت

فائق تحياتي

[مزون المحمد]

متعب الروقي


حرف رائع اسعدنا تواجده


صح لسانك ولاهنت


دمت بألف خير

[أمايا]

ما شاء الله

ابدعت اخي الكريم

الله يعطيك العافية..

[بسـام بن عبدالعزيـز]

متعب



آآه يالوزن الثقيـل

صح كلك ولا هنت



احترامي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[مشاعل ابراهيم]

أخي متعب الروقي





الله الله عليك ولله درك





الف صح لسانك وقلبك على هذه الرائعه





التي بروعه حضورك ورقة تواجدك





دمت بألف خير

[محمد الفرحان]

.

.

شاعرنا

متعب الروقي

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

[( حايره )]

الجزل لا يأتي إلاّ بالجزل

وها أنت أستاذي تهدينا أجزل العبارات

وأصدق المشاعر

ألف ألف صح لسانك

ولا هنت

[فهد الدباسي]

متعب الروقي



حضورٌ جميل


و نصٌ تفوح منه رائحةُ الإبداعِ و التمكن




صح لسانك و لاهنت

تقبل تحياتي