(( في النسا شتان مابين اللطافه والأذيه )) .. حصريه لمنابع الأدبية

محمد الأسمري · 08-01-2006, 03:44 PM

اليكم .. وآمل أن تنال رضاكم ..

من يقول البعد خيره ما يقول القرب راحه=تختلف حيل المعالم بين ذيك وبين ذيه
الحقيقه للحقيقه والصراحه للصراحه=في النسا شتان مابين اللطافه والأذيه
فرق يوم أتناظر بوجه الغضي كله سماحه=عن وجيهٍ ما تحب الا تقنع بالخطيه
منهن اللي سنها يدخل على البال انشراحه=صدق وعد وطير سعد ونية الطيب مطيه
واحده ربي خلقها كلها لطف وملاحه=وواحده ياويل حالي ،، شر ،، يا شر البليه
في عيوني نوض برقٍ لاح حزات انقداحه= وفي عيونه كل معنى للخطاء و الجاهليه
الزمان اللي رماني فيه ،، مابرييت جراحه =لكن الله يمهل ولا يهمل النفس الرديه
عادتي ليمن وردت العِد شربٍ قراحه=ما اتعلل بالهماج ،، ولاأحمده نفسي دنيه
والله اني لو بغيت ارد له ربع القباحه=كان بانت له فعولي في الليالي السرمديه
لكن اللي مايعرف العيد ما يعرف صباحه=امتنزح عن علوم الطيب ويا الشاذليه
ثم والله ما جهلت الجد والوقت ومزاحه=ولو نويته بالقضا ما يدرق بأقصى قريه
قالها اللي ما انكسر للريح ومستل جناحه =راسيٍ مثل الجبال وشامخٍ نفسه ابيه

محمد الفرحان · 08-01-2006, 05:07 PM

.

.

المبدع

محمد الأسمري

.

.

شرف لنا ولهذا المنتدى ان تكون احدى روائعك

حصريا" على متصفحاتنا والشرف الذي يسبقه

هو اختيارك منتدانا ليكون منبرا" لنشر إبداعاتك

وكل الشكر لك سيدي على إتحافنا بهذه الرائعه

التي لايكتبها الاالكبار شعرا" وأخلاقا

وبالتأكيد :

لايكفيها مرور عابر وسيكون لي عوده الى هذه

القصيده / الدرس

.

.

دمت كماتحب

.

.