المعجزات السبع

مشاري بن جلوي · 23-05-2006, 12:09 AM

السلام عليكم هذي مشاركه بسيطه مني اتمنا لها القبول

الليالي عودت باللي مضى واللي غدالي=جابت اللي في وصوفه مايجي لله مثيله
الجمال اليوسفي والحسن الأقصى والموالي=مجتمعبه مايبي غيره ولايبغى بديله
نور خده لاظهر يكسر متاهات الليالي=معجزه والمعجزات السبع لو شفته قليله
لو وصفته ماوصلته في وصوفه حيل عالي=يرهق اقلام الكتابه بالمشاوير الطويله
ان ذكرني قلت غالي وان جفاني قلت غالي=دام له بالقلب نهر من الغلا يمشي مسيله
يارصيدي بالهوى يامنيتي ياراس مالي=يآخر حدود القصيد ويالحروف المستحيله
والله اني يوم اسج الفكر غيرك ماطرالي=يامرافقني بشوفك تجلى احمول ٍ ثقيله
يوم اعاين في عيونك وتبسم وانت سالي= بحر حبي لاتبسم في عيونه صرت اخيله
ريحي في وسط قلبي وستريحي ياحلالي=دام طيفك في عيوني ماحد ٍ يقدر يشيله
من عذلني قلت لك فال ٍ وانا بمشي بفالي=والله الحساد زادو يوم شافوها اصيله
ماسمعت الحكي الاول دون ابسمع فيه تالي=عن حبيبي ماتسمع كلمة قلوب ٍ غليله
ان ذكرته وان نسيته ماسكن غيره خيالي=زبدة الموضوع وادري مايجي لله مثيله

الجـــــوهره · 23-05-2006, 12:31 AM

ان ذكرني قلت غالي وان جفاني قلت غالي
دام له بالقلب نهر من الغلا يمشي مسيلـه

أخوي مشاري

صح لسانك مليوووووووون و لا يكفوون ولا هنت

لك تقديري و إحترامي

وليد الخالد · 23-05-2006, 02:47 AM

مشاري

سبق وان قلت سجل اعجابي

مبدع ورائع وجزل

صح الله لسانك

..

محمد الفرحان · 23-05-2006, 07:22 AM

سأعود يامبدع

مـــــلاذ · 23-05-2006, 07:27 AM

مشاري بن جلوي

مشاءالله تبارك الله

مبدع كالعاده .

صح لسانك مليووون

عيد السعدوني · 23-05-2006, 09:50 AM

ماسمعت الحكي الاول دون ابسمع فيه تالي
عن حبيبي ماتسمع كلمة قلـوب ٍ غليلـه
ان ذكرته وان نسيته ماسكن غيره خيالـي
زبدة الموضوع وادري مايجـي لله مثيلـه

ابن جلوي

بيض الله وجهك

على هالشامخه

تعانق السماء

تحياتي لك

بسـام بن عبدالعزيـز · 23-05-2006, 10:27 AM

مشاري

الله الله

لو وصفته .. ما وصلته .. في وصوفه حيل عالي=يرهق أقلام الكتابه .. بالمشاويـر الطويلـه
إن ذكرني .. قلت غالي .. وإن جفاني .. قلت غالي=دام له بالقلب نهر من الغلا يمشي مسيلـه

بعض الأبيات نحفظها من أول قراءة لها

لـ سلاستها وعذوبتها

صح لسانك يا .. متمكّن

ولا عدمنــاك

احترامي