عـــن بعض الأشياء .. صــد !!

[معيض الوادعي]

مع بداية السنة الجديدة

اهدي لكم هذا النص الشعري اتمنى ان يرقى الى ذوقكم

(( عن بعض الأشياء صد ))

الوادعي .. من هاجسه .. جاب تخصيص

شعر .. يشـــــــابه للـــذهب .. بين فضه

به يســـتزيد .. أهل الوفاء والمــقانيص

والعدم .. يأتي له معـــ الليل .. ومضه

لا صار ما لك .. من رفيقك مخاليص

الا .. على ما تكره النفس .. فأرضه

أعطه مطاليبه .. ومحصه .. تمحيص

لا تغمطه حاجه .. ولو كــــانت عضه

خله يجيك .. وخلك تجيه .. وتهيص

في خاطره .. وان كان له دين فاقضه

لا تجرحه .. وتسوق في نفسه العيص

ما فيه احد معصوم .. والطــرف غضه

عن بعض الأشياء .. صد .. لو انك حريص

خـــــلك حصان .. ولأجـــــله بليس رضه

بكــره يغيب .. ويلـــحقه دمعك رخيص

وإبهــــام كفك .. بعــــد فقــــده تعضه

ما عاد ينفعك التــــــوجد .. وتـــــقريص

أنصحك .. تسبق يومه .. بيوم .. وأغضه

واحذر .. من اللي كنه الثعل .. والنيص

بين الجماعة .. ما بناء حـــــيد فـــرضه

في الكايده .. معروف .. بالشيخ ملييص

وفي الهينة .. تلقاه .. في كــــل لحضه

يخاف من بعض العلـــوم المـــــراصيص

وأن جاء لربعه شان .. بالخبث .. فضه

انا اشهد .. إن رأسه .. يبي سن ترصيص

من شان يمسك لرض .. ويسير بأرضه

واللـــي يدور غير ربعـــــه .. مفـــــاريص

خســــران .. ما يلقى من الناس .. مضه

لا صــــار يـــوم فيه .. غبن ومـــلاقيص

تبيــــعه .. برخـــص التراب .. وتقــضه

لذلك اسمع كلمتي .. وانته بـــخيص

رفيـــقك الجيد .. على الطــيب حضه

وسلامتكم


تقبلوا تحياتي

اخوكم

ابونايف

[ملاك ع الارض]

تسلم يمينك اخووي على هالابيات الطيبه ...

واللـــي يدور غير ربعـــــه .. مفـــــاريص

خســــران .. ما يلقى من الناس .. مضه

[بسكوته]

كلمات روعه والله ومميزه جدااااااااااا