ليلة زفاف // ليلة ودااع ... ))

[شامخ الرشيدي]

السلام عليكم ورحمة الله وبركاته


السلام عليكم ورحمة الله وبركاته

اضع بين ايديكم هذه القصيدة .. بدون اي تقديم لها ..
علها تحوز على الرضاء ..

قالها شامخ على الله ..ياعنيدات الليال = ماحوى مقبل سنيني ..يجبر الجرح الدفين
لا تلاشت لي مصيبة .. حملها هد الجبال = تبتدي ثاني مصيبة .. قو الأولى مرتين
العمر رحلة تجارب .. والوفاء كله خيال = والزمن لو طال فيني ..مابقى شيء ٍ ثمين
المساء هذا كئيب .. وذكرياتي به طوال = والثواني ..والدقايق ..بالـخطى متثاقلين
والسماء ضمت قمرها .. مع بزوغ اول هلال = ((شهر خمسه)) والدموع الغالية فوق الجبين
الفتاة اللي سكنها العين ..واجفوني ظلال = اعزفوا ليلة كفنها .. نغمة الصوت الشجين
والله انه ما نفعها ..لو تصل حد الهبال = والله انه ما منعنى ..غير رب العالمين
قدر الله ..وانكتب عنوان هذا الحب زال = والقدر لا حل حكمه ..كلنا له مذعنين
كنت شاري حبها ..فيه الدلع ..فيه الدلال = لكن انه ينتهي حب انعمر طول السنين..!؟
هذا والله .. هو سبب خوفي .. وجرحي .. والهوال = هذا والله .. هو سبب دمعي..وحزني والونين
هذا والله .. هو سبب ما حدني فوق احتمال = يوم شفت الموت .. وانتي يا حياتي ترحلين ..!
ان رحلتي .. ليش بأبقى ..والقمر شوفه محال..!؟ = وان بقيتي.. ليش بأرحل .. والقمر توه مبين؟؟
وان سألتي ليش بأرحل ؟؟ قلت لك هذا المقال = ((الرحيل اسهل طريق ٍ ..لأجل ماتبقى سجين ))
وأن سألتي ليش تتركني بساحات القتال = قلت لك ما تـّـل قلبي ..غير ناس ٍ خاينين

الخطا غامض .. ولكن .. تسمحي لي بالسؤال = هل رضيتي يوم قالوا .. ( هل بغيري تقبلين)؟؟

كانك انتي راضيه .. ما عاد باقي لي نضال = لأرتحل عبر الصحاري ..وانتهي وابقى حزين
لأرتحل عن دار حايل .. واهجر ادروب الشمال =لو بها ناس ٍ عزيزة ..في غلاهم واصلين
لأرتحل فوق الخيال ..ولأندثر تحت الرمال = ولأنتهي عن كل سكة ..في دروب العاشقين
وكانك انتي رافضتهم .. واجبروك ِ بالحلال = واصدروا عقد النكاح .. ولا سألو _ هل ترفضين )؟
الله اللي راد يا عيوني ..ولا فيها جدال = واسحبي ذيل الهزيمة .. وافعلي ما تؤمرين

مادريت الا كروت افراح ..تدعوني تعال = حفلها ليل الثلاثاء ..والخبر صبح الثنين

لا

ولايمدي ..ولايمكن.. لتحقيق الفصال = دام باقي ليل واحد ..يا عيوني وش تبين .؟؟؟
أومريني عبد طايع ..قيده وقته غلال = واقتليني وسط دارك ..واشربي دمي اللـ؟ـين
دامني عن ديرتي يا بنت قطـّـعت الحبال = كيف ابدري للفرح يا بنت وانتي تعرفين ؟؟
اعذريني ..مادريت الا بكسوفك والزوال = اعذريني ..ماجداي الا صدى صوت الأنين
اعذريني .. لو رحلت وغادرت سفن الوصال = اعذريني .. لو قطعت الوصل بالناس اجمعين
اعذريني لو نسيت ..وقلت لك هذا محال = اعذريني كانك انتي يا حياتي تعذرين
اعذريني يا حياتي ..كا ماجالك مجال = اعذريني يا حياتي قد ما انتي تقدرين ...!؟
والا انا يا عزتي لي ..حالتي ماهي بحال = زين اكمل بعد ليلي يا حياتي ليلتين
كيف اصدق ما حصل لي .. والله انه كالخيال = كيف اكذب والنواظر ..والجوراح ..شاهدين
اكتفيت ارجوك يا سـْنيني .. عذابي لايزال = يا عذابي .. وش بقى بي يا سنيني تجرحين
من شبابي والحزن .. في خوته خوة رجال = مايفارقني .. ودايم عن يسار وعن يمين
لاغفيت اشوفها بالعين .. تبكي للطلال = ولا صحيت .. اشوفها قدام وجهي باليدين
انتبهت لدنيني .. والحزن مدري ليش طال؟ = واعتزيت .. وقلت يا الله عن كلام العاذلين
لو خذلني في تعاملهم .. رديين الرجال = و الله اني ما اتهاون .. عن علوم الطيبين

0
0
0
ووللقصيدة بقية قريبااا



مع التقدير والتحية

اخوكم
شامخ بن غانم الشامخ

[فهد الدباسي]

شامخ الرشيدي


أنا أشهد إنك شامخ و كلك وفاء



نصٌ ألجم لساني و أرهقني فعلاً


سـ أعود لك يا مختلف

[مبروك بن ماضي]

الاخ العزيز الشاعر القدير / شامخ بن غانم الشامخ
قصيدتك حملتني للوقوف أمامها والتمتع بقراءتها
وهكذا انت دايما مثير للإعجاب والدهشه
صح لسانك وجاد بيانك والله لايهينك
سوف أصفق لك بحراره كلما مررت من هنا
تفضل بقبول تحياتي واحترامي
أخوك / بن ماضي

[شامخ الرشيدي]

المشاركة الأصلية كتبت بواسطة مبروك بن ماضي

الاخ العزيز الشاعر القدير / شامخ بن غانم الشامخ
قصيدتك حملتني للوقوف أمامها والتمتع بقراءتها
وهكذا انت دايما مثير للإعجاب والدهشه
صح لسانك وجاد بيانك والله لايهينك
سوف أصفق لك بحراره كلما مررت من هنا
تفضل بقبول تحياتي واحترامي
أخوك / بن ماضي

اهلا بحضورك ايها الرائع ..
يكفي تواجداك بمتصفحي .. فيكيف بكلماتك المثلجة للصدر..؟
صح ابدنك طال عمرك ولاهنت ..
اشكر لك تواجدك ومرورك.. لك مني التقدير والأحترام
اخيك
شامخ الرشيدي

[شامخ الرشيدي]

المشاركة الأصلية كتبت بواسطة فهد الدباسي

شامخ الرشيدي


أنا أشهد إنك شامخ و كلك وفاء



نصٌ ألجم لساني و أرهقني فعلاً


سـ أعود لك يا مختلف

الرائع فهد الدباسي .
اهلا بحضورك وتواجدك ..
مرورك وشهادة اعتز بها ..
بأنتظارك
لك تقديري
اخيك / شامخ الرشيدي

[غريبة دار]

الشاعر شامخ الرشيدي



ألف صح لسانك على هذه القصيدة الرائعة



التي عانقت السماء بروعتها و صدى أحزانها



تشرفت كوني احدى المعانقات لهذه الرائعة



لا هنت و لا هان قلمك



تحياتي لك


اختك غريـــــــــــــبة دار

[شامخ الرشيدي]

المشاركة الأصلية كتبت بواسطة غريبة دار

الشاعر شامخ الرشيدي



ألف صح لسانك على هذه القصيدة الرائعة



التي عانقت السماء بروعتها و صدى أحزانها



تشرفت كوني احدى المعانقات لهذه الرائعة



لا هنت و لا هان قلمك



تحياتي لك


اختك غريـــــــــــــبة دار

غريبة دار ..
شرفتي بتواجدك ومرورك العطر ..
صح ابدنك ولاهنت ِ ..
تقبل ِ فائق التقدير .. من اخيك / شامخ الرشيدي

[همسة غلا]

قصة يوم الاثنين

ووصف شاعر للالم


عشت القصة بكل ماتحتوية من حزن دفين


والم وانين

وقتل مشاعر شاعر


قصيدة اقل مايقال عنها انها قمة


دام لك هذا الشموخ

[شامخ الرشيدي]

المشاركة الأصلية كتبت بواسطة همسة غلا

قصة يوم الاثنين

ووصف شاعر للالم


عشت القصة بكل ماتحتوية من حزن دفين


والم وانين

وقتل مشاعر شاعر


قصيدة اقل مايقال عنها انها قمة


دام لك هذا الشموخ

همسه غلا
اشكر لك مشاعرك .. واشكر لك تواجدك ..
كان الداافع بيت من قصيدة لك .. لتذكر هذه القصيدة ..
صح ابدنك ولاهنت ِ ,.,,
لك التقدير
اخيك
شامخ الرشيدي

[نواف السعدوني]

الله

الله الله الله

عليك



يسلم راس من سمااك شامخ يالقرم


انشهد ان الشموخ بعينه هنا والله


صح السانك واعتلى شانك



تحيتي لك


السعدوني