ظاهر الظفيري.. الهبوب الساحليه

[ظاهر الظفيري]

الهبوب الساحليه في جبال الباحه=ماتونس خاطري وتهدي النفسيه.
ضيقتن ماهي من فراق ومشاكل ساحه=قبل لا نبكي على التفاحه الشاميه.
يارفيقي وانت ملاح وخبير ملاحه=هاك خرج البوصله بالرحله الليليه.
خل ابو مرجاح يستانس على مرجاحه=واخذ هرج ن من صميم القلب صافي نيه.
لو ضحكت النفس تعبانه مهي مرتاحه=والتعب من سبتك وعلومنا شخصيه.
هاك مايبري جروح ن بالصدر ذباحه=هرج أخو ورسالة ن من خاطري فوريه.
لا تمررها بعينك خطفةن لماحه=وانت تدري بالخطا واستقبل البرقيه.
شفتني وحصاني اسوقه واشد جماحه=من سوابق تجربه بأيامي الماضيه.
آتباهي بخوتك لا قالت المداحه=ذاك حاتم وقتنا ومعزب الطرقيه.
انت ميقافك يشرف ملبسه ووشاحه=يوم أدور بالعرب زيه وأحصل زيه.
لاتغرك مزحت المزاح والمزاحه=العرب ماهمها إلا ضحكةن وقتيه.
لاتخليني عليقه في يد الذباحه=وتحكي بعيوبي الموجوده العفويه.

[العف الخجول]

صح لسانك اخوي ظاهر
ولا هنت وسلمت يدك .. على ما كتبت وسطرت
ومشاءلله عليك مبدع بصراحه تعجز اناملي
عن التعبير عنه
تقبل مروري المتواضع

[قديم الشوق]

ظاهر الظفيري

صح لسانك يامبدع

عز الله إنك شاعر

وعز الله إنها قصيدة

قصيدة فخمة ومليئة بالشعر

من شاعر قدير ومتمكن

نتمنى أن يستمر هذا التواصل العذب معنا

الله يعطيك ألف عافية

وتقبل فائق تقديري واحترامي

[كاتب مبتدء]

ظاهر الظفيري
الله يعطيك العافيه
انت شاعر تمتلك شاعريه فذه
ومشاعر صادقه وفيه
صح لسانك عدد كل حرف
وبيض الله وجهك
تقبل تواضع مروري
وأجمل تحاياي

[جيداء الوادي]

يسلموووووووووووووووووووو

[نداء الذات]

يسلموووووووووووووووووو