نــوض ســديــر

[مزون المحمد]

هذه قصيدة متواضعة تمنيت لو أنها ارتقت إلى روعة تلك

البيتين التي قدمتها لي أختي وشاعرتي الرائعة ** نوض سدير**

فلتعذرني شاعرتي وليعذر الجميع متواضعتي


.
.

هنا كان نبض الرائعة نوض سدير

هطلتي كنك غيوم عطاها جاوز المعقول = وفيك من الصفات الطيبة يالغادة اندرها
أبد والله مالقى مثل قلبك ياشبيه اللول = بياضه لاغشى قلوب الاوادم صعب يخسرها

.
.


وكان هنا نبضي

هلابالشعر يانوض الشعر بالفعل ويّا القول = عدد ماخطت الأقلام في أبيض دفاترها
هلا باللي تعزف القاف على لحن الوفا الموصول = هلابك ياقصيد(ن) ينتشي بالروووح لآخرها
ترى والله يشرفني كلامك والغلا مدبول = على وضح النقا قلبك سليلة مجد يفخرها
على صوت القصيد شموخ يشرّف روحة المرسول = تقول إن الحروف شيوخ مثل جاهه على اثرها
نِـرِد نهر القوافي نرتشف من لذة المعسول = أحد يغرف على هونه وأحد يتمنى يشعرها
ياكم اللي على جاله يلاقى شفه المجمول = يغني قافه اللي من بنات الفكر ينثرها
وياكم اللي عناه الوقت عجز لايجني المحصول = يناظر من يمين يسار والقيفان يطمرها
هنا يبقى الشعر فينا أمانه مالها مسؤول = سوى منهو يصون الحرف والأخلاق ينظرها

[عبدالله بن ظافر]

نِرِد نهر القوافي نرتشـف مـن لـذة المعسـول
أحد يغرف على هونـه وأحـد يتمنـى يشعرهـا

~*¤ô§ô¤*~*¤ô§ô¤*~الله الله الله
قصيدة رائعة
شافية وافية
في قمة الروعة
والجمال
والمبدع دائم مبدع
كان لي الشرف أن
أكون اول من شارك
بالتعليق على هذا
النص الرئع
صح لسانك مليون
تقبلي تحياتي
الشاعر / عبدالله بن ظافر~*¤ô§ô¤*~*¤ô§ô¤*~

[عبدالناصرالعالي]

احساس متبادل جميل


صح قلبك

تستاهل نوض سدير

دمتي بخير


بالتوفيق

[فهد الماجدي]

هلابالشعر يانوض الشعـر بالفعـل ويّـا القـول
عـدد ماخطـت الأقـلام فـي أبيـض دفاترهـا


هلابكم والله

روووعه يالغاليه


صح السانك ولاهنتي يالاجوديه


تحيه

[باتل عبدالعزيز]

العزيزه مزون محمد
عذوبه حروفك مبللّه في انفاس الندى
وعذوبة النهر وجماله

تـرى والله يشرفنـي كلامـك والغـلا مـدبـول
على وضح النقـا قلبـك سليلـة مجـد يفخرهـا
هو الشعر والجمال هنا
طاب الحرف بك ِ !

باتل

[نواف السعدوني]

مزون


الله عليك




واختنا نوووض تستااهل كل خير


الله لايفرق بينكم ان شالله

والله يخليكم لبعضكم ان شالله

صح ألسانك وانا اخوك واعتلى شانك


تحيتي لك


السعدوني

[سامي احمد]

الشاعره

مزون المحمد

صح الله السانك واجدت في بيانك
قصيده تنبع منها اجمل معاني الوفاء والمحبه
سعيد جدا بعناقي صفحتك ويشرفني ذالك
تقبلي اجمل الورد

سامي احمد

[خالد بن علي]

صح قلبك

على اللول

والبياض

كم أقرء لك الجمال

كل ما أشاهد لك سطور

[طفلة القمر،،]

ماشاء الله صح لسانك

قصدية بقمة الورعه

وفقك الله

[محمد الفرحان]

.

.

مزون المحمد

و

نوض سدير

.

.

سأعود الى متصفح

الشعر والوفاء . .