وينه غلاتي يابحر وينـه الحيـن = مرك .. لمحته .. مانشد عن حناني

عبدالناصرالعالي · 13-03-2006, 01:52 PM

السلام عليكم ورحمة الله وبركاته
.
.
.

هذا مكانه يابحر أعرفه زين = رغم البطا كنه هنا من ثواني
كنه هنا قبل نتفارق بعامين = قبل المطر يجتاح وجه المباني
وينه غلاتي يابحر وينه الحين = مرك .. لمحته .. مانشد عن حناني
بالله قول أنه هنا قبل يومين = ودي أحس أنه هنا مانساني
حتى الكراسي تسألك يابحر وين = من غيبته حتى الكراسي تعاني
كنه هنا قدام وجهك محبين = نرسم على صطحك كثير الأماني
شف يابحر كنا على جالك أثنين = واليوم ماغير الدمع والمواني
دونه أشوف الزين بناظري شين = وبإسمه أنادي واحد من أخواني
وين السعاده ناسيتني من سنين = مدري بعد مثل السعاده نساني
ااااه يابحر الدمع في محجر العين = ماأقدر على ذكراه هزت كياني
ماأقول يسوى في عيوني ملايين = يسوى عيوني وماغلى في زماني
هو القمر في الأرض يمشي برجلين = مافيه مثله يابحر شخص ثاني
شف يابحر ماهزني غير ثنتين = فرقاه وميسم هالزمن لاكواني
لكن أمانه يابحر أحفظ الدين = لا جاك ثير الموج لهفه عشاني
قله غيابك عن حبيبك سكاكين = ماهو حرام الذبح بإنسان فاني
دايم يحن لموعدك يعرفه زين = وده يشوفك يابشر لو ثواني

وهنا كما نشرة في مجلة ملامح

نقره لعرض الصورة في صفحة مستقلة

بسـام بن عبدالعزيـز · 13-03-2006, 02:21 PM

عبدالناصر

صح لسانك

ويسلم احساسك وقلبك

استمتعت بمروري من هنا

وتشرفت بأن أكون الأول

دمت بخيـر

احترامي

عبدالناصرالعالي · 14-03-2006, 07:06 PM

اقتباس:

المشاركة الأصلية كتبت بواسطة بسـام بن عبدالعزيـز

عبدالناصر

صح لسانك

ويسلم احساسك وقلبك

استمتعت بمروري من هنا

وتشرفت بأن أكون الأول

دمت بخيـر

احترامي

الغالي بسام

صح بدنك والف شكر على مرورك العذب والجميل

الله لايهينك ياغالي

دمت بالف خير

بالتوفيق

فهد الدباسي · 14-03-2006, 07:22 PM

عبدالناصر العالي

لنا كل الفخر بـ احتواءِ هذا النص الجميل

نصٌ مؤثر واسلوبٌ رائع في التساؤل و الكتابة

صح لسانك و لاهنت

تقبل تحياتي

محمد الفرحان · 13-03-2006, 02:43 PM

.

.

سأعود يامبدع

عبدالناصرالعالي · 16-03-2006, 02:23 PM

اقتباس:

المشاركة الأصلية كتبت بواسطة محمد الفرحان

.

.

سأعود يامبدع

انتظرك ياغالي

دمت بالف خير

بالتوفيق

إنكسارات النخيل · 16-03-2006, 06:26 PM

عبدالناصر العالي

دائما مانجد التمييز والرقي بنبضك

والشموخ بحرفك سيدي الفاضل

دمت بهذا الحضور الراقي

سعد العصيمي · 13-03-2006, 05:40 PM

الله الله

صح لسااااانك يا مبدع

قصيدة رائعه وجميله

لاهنت يالغالي

دمت بخير

اخوك

عبد العزيز بن محمد · 13-03-2006, 05:49 PM

عبد الناصر العالي

عالي في قلب الشعر ..
وفي حرارة الشمس ..

شف يابحر ماهزني غيـر ثنتيـن
فرقاه وميسـم هالزمـن لاكوانـي
لكن أمانه يابحـر أحفـظ الديـن
لا جاك ثير الموج لهفـه عشانـي

يا سلام عليك .. يا مبدع
عزفة الحزن .. بمرارة

اجبرتنا على الغرق ..

صح الله لسانك .. ولا هان غاليك

عبدالناصرالعالي · 18-03-2006, 05:04 PM

اقتباس:

المشاركة الأصلية كتبت بواسطة عبد العزيز بن محمد

عبد الناصر العالي

عالي في قلب الشعر ..
وفي حرارة الشمس ..

شف يابحر ماهزني غيـر ثنتيـن
فرقاه وميسـم هالزمـن لاكوانـي
لكن أمانه يابحـر أحفـظ الديـن
لا جاك ثير الموج لهفـه عشانـي

يا سلام عليك .. يا مبدع
عزفة الحزن .. بمرارة

اجبرتنا على الغرق ..

صح الله لسانك .. ولا هان غاليك

الغالي عبدالعزيز

صح بدنك والف شكر على حضورك النقي والجميل

اشكرك على الاطراء الراااائع

دمت بالف خير

بالتوفيق

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)