مصافحتي الاولى ( حروف الوجد )

[هيكل الشمري]

السلام عليكم
اما هذه القصيده فهي مدح في شخصن عزيزن على قلبي
وفكرة القصيده انك تاخذ اول حرف من كل بيت ويطلعلك اسم الشخص اللي فيه القصيده
وبنفس الطريقه راح تلقون رد الشخص على قصيدتي

عل الخفوق واشغل البال غالي = يومين عني لا جواب ورسايل
لا والذي اشكيله اليوم حالي = بفرقا رفيقي رافقتنا العلايل
يالشمري لا يابعد كل مالي = قلي علامك شكلك اليوم شايل
دام الموده بيننا والوصالي = الله يديم الود وحبل الوصايل
حييت يارجل الوفا يالشمالي = حييت ياراع الكرم والجمايل
لا والله انك شاغل اليوم بالي = والشوق في عيني ترا اكبر دلايل
ياصاحبي انت الرفيق المثالي = وشرواك مثله مالقينا بدايل
عليك ياللي داله البال سالي = جبت الحروف اللي بها الحبر سايل
من كل بيتن تلقا حرفن يلالي = لاقلت قافي شفت فيه الهوايل
اجمع حروف الوجد وتلقا لسؤالي = حل القصيده يااصيل الفعايل
شانك كبير وقدرك اليوم عالي = وانت الفهيم اللي على الحل طايل

وحل القصيده (( علي دحلي عماش ))
والرد

هات القلم واكتب على قاف غالي = اهلن هلابك دون كز الرسايل
يالله يامنشي حقوق الخيالي = الهمني يالرحمان بدع المثايل
كل ماقريت احروف اسمك تلالي = تلقى المعاني وافيات وجزايل
لك الله ماني داله البال سالي = ولك الغلا في داخل القلب شايل
عزيت ياغيثن سقيت المفالي = برقك ينوض وحدره السيل سايل
لا يابعد وقفت هزيل الرجالي = يقصر عن الطوله ردي الخصايل
ياخلفت الشجعان كرام السبالي = اهل الحميه مطوعه كل عايل
حييت يارمز الوفا يالشمالي = يابن الكرام الكاسبين النفايل
وردو حياض الموت يوم القتالي = فزعاتهم تجلى القلوب الغلايل
الله يثبت خطوتك بالمعالي = ويزيح عن صدرك هموم وعلايل
سبحان ربي واحدن لايزالي = الكل يفنى غير وجهه وزايل

(( هيكل علي حواس ))

[شيمة]

11111111111

[التميميه]

صح لسانك ولاهنت

ابيات رائعه وجزله

[محمد ال مهيد]

حجز مقعد وساااعود

[محمد الفرحان]

.

.


الشاعر الرائع

هيكل الشمري

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

وياهلا بك ومرحبا بين اهلك واخوانك ومكانك العيون

والقلوب قبل المنتدى . .

.

.

حضرت للترحيب وسيكون لي عوده الى هذه الروائع

ان شاء الله . . .

.

.


تقبل فائق تقديري واحترامي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[شيمة]

.

من جهرا الكويت
للعروس حايل شمال .. وأجا وسلمى
ياالشمري حياك .. يا ميالين العقال .



مرحبا مليارات بهتانك
بيتك وكلنا اخوانك .


تشرفنا يا سيدي بحرفك
لاعدمناك .

[حماد القريني]

صح لسانك وجاد نظمك

لاهنت ولاهان راسك

تحياااتي

[يحيى ال بالحارث]

يا هلا وغلا فيك اخوي هيكل


وصح لسااانك يا مبدع


قصيدة ولا اروع


كن بخير

[غريبة دار]

اخي هيكل الشمري

صح لسانك و سلم بنانك

قصيدة ولا اروع

تمنياتي لك بالتوفيق

اختك غريبة دار