السلام عليكم ..
احبائي في المنابع .. لا استطيع ان اصف شعوري وانا اقراء لاسماء كنت اشاركها من مده في العديد من المنتديات .. كما شعرت يقينا بسعادتي بأسماء جدت على ذاكرتي تحمل عبق الابداع في مثاني تحفها الابداعية ..
ما اجمل التجمع الادبي الشعبي حينما يكون فيه اخذ ورد ..
عذرا على قلة المشاركه فإني لم ادرك بعد موقعي من الانتر نت .. اعشق الحرية ويجذبني الابداع الصريح ...
ربما اتعذر تارة بالضروف الظاغطه وتارة بمشاغل الدنيا .. ولكن حين يحضر الشوق تتبدد المشاغل والضغوط .. لتنطلق سلوك لمعان شمس الشوق بين اشلاء تلك المشاغل والضغوط .. مصرة على الوصول مهما كانت الحواجز
احبكم جميعا .. واهديكم هذه القصيده
يقولون ليّ : الوقت , مهما صفـا كـذاب=وانا اقـول كـذاب(ن) وستيـن كذّابـي
تزاقل فروحـي ياجماعـه بليّـا اسبـاب=وانا باسط(ن) يمنـاي ومسيّـل حسابـي
اكابد صدوف الوقت وتعلّـق الاعصـاب=واعيش الليال السود مشدود الاعصابـي
وايلامن غفت عيني , تهاوت عليّ اسراب=خذاريف ليل(ن)تطّبـخ فـوق مشهابـي
لو اقدّم الشكوى علـى مجلـس النـواب=قعد مجلس النـوّاب مـن غيـر نّوابـي
ولو وصّلوني غصـب للكاهـن النهّـاب=سمر يفرك كفوفه على افـواه الاكوابـي
شكاوي كثيره في كنيـن الحشـا كـرّاب=تسلطن على انفاس(ن) شكت ثقل الاتعابي
ولكن شكى روحي على الواحـد التـواب=جزيـل العطايـا غافـر الذنـب ثوّابـي
توارى حلـوم العمـر وتولّـع الانشـاب=وقايع(حظيظ(ن)) جت معه بعض الانشابي
مع واحد(ن) من شان ربه يزيـد نصـاب=اجل ياجماعه كيف لـو كـان نصّابـي؟
حدوني على مشي المقيّـد وانـا وثّـاب=دروب السماحـه قيّـدت رجـل وثّابـي
وانا واحد(ن) واضح وعندي كثير اسباب=نواياي تاضـح بيـن جفنـيّ واهدابـي
ادوّر على الجزله واشرّف لها المرقـاب=ولو كنت اشيـل الهـم يزهـاه ترحابـي
ولانيب حيال(ن) ولا العب بضحك النـاب=واحب النشاما واكـره رهـاف الانيابـي
احاور صغيـر السـن واوقّـر الشيـاب=واغظّ النظر وارفع شبـوح(ن) تعزوابـي
افتّـل اشنابـي والليالـي لهـا اشنـاب=اخطّط وهي ترسم على صفحـة كتابـي
وانا وين قبل العام ؟ والعام انا منصـاب!=وانا وين انا قبل امس؟ واليوم منصابـي
اعايش هواجيسي كما عنصـر الارهـاب=اصوّب على نفسـي والـوّح بمشعابـي
والا ياهلي : لاتحسبـون الجفـا غـلاب=ولاترخصون الحـي لاصـار بغيابـي!!
كل التحايا لكل من مر من هنا
أنت غير مسجل في منتديات منابع الأدبية . للتسجيل الرجاء إضغط هنـا
22-02-2008, 04:40 PM
شكاوي
محمد بن قطنان 
العرض المتطور
