راع البـــــرادوووو

[عيطموس الطنايا]

:rose:

السلام عليكم ورحمة الله وبركاته


من وحي الخيــــــــــال

بعيد ديار عامل بي عمايل = وانا منه ترا شفت الهوايل
يعن كنه كسب فيني خطايا = مسهرني ودمعي دوم سايل
على غفله رماني في غرامه = وفي عيني على حبه دلايل
صدفته واقفن في بيت جدي = ينادي واحدن مقفي يا صايل
ولكن صايلن عيّا يلبي = نداء اللي بقلبي صار عايل
نكس يمشي على جيبن برادو =وفي مشيتْه شيْ نادر وهايل
أميرن لا حشى سلطان يمشي = ملك الا جمع كل الجمايل
وحرك موتره يا روح روحي = يعدل نسفـِـتَه وعقال مايل
وروّح دون ما يلحظ وجودي = عليه القلب يزعج بالرسايل
أمانه يا ولد أرجوك أرجع = أمانه انتظر يا ولد حايل
ولكن ما نصتلي سَمْع قلبه = ولا عوّد على بنت الحمايل
دخلت أركض على حجرة خواتي = أَوَصّف زوله ابشيخ القبايل
يالولا العيب وأيضا خوف ربي= على بيته أنا أسوق الرحايل
(وأقول أني أنا ..ذبت ..بعيونك = وقلبي بالهوى صايل وجايل)
(واذا حلت علي ..ذكراك.. دايم = أقوم أضرب انا ..فيك.. المثايل)
ولكن وينها دياري ووينه = ولو قرّبت ما جيت الخمايل
ذبحني يلعن ابليسه ذبحني = سحرني خبرو وافي الخصايل
عرفت انه سكن باقصى عروقي = وعرفت ان الغلا بالقلب طايل
وعرفت ان الهوى ملعون خيّر = بلاني وبالين قبلي قبايل
لعب في حسبتي من دون مدري= خذاني للشمال وصوب حايل

عيطموس الطنايا

[حمد فرحان]

عيطموس الطنايا


حضورك بهي في قمة الروعه والجمال

يجبرنا على البقاء كثيرا في جمالياته

فائق تحياتي

[( حايره )]

الحب أشبه بــ الغزو

فهو يغزو القلب ويقتحمه دون إستئذان

يقتحم القلب حتى لو لم نكن نعرف الطرف ألآخر

فــ الحب هو من يختارنا ولسنا نحن من يختاره أو يقرّره


عيطموس الطنايا

يا هلا فيك

وسعداء بقراءة أبياتك الجميله

ألف ألف صح لسانك

ولا هنتي

[محمد الفرحان]

.

.

شاعرتنا

عيطموس الطننايا

.

.

صح لسانك على هذه الصخرية الرائعة

من شاعرة ننتظر منها الكثير . .

.

.

دمتِ ودام حضوركِ المختلف

.

.

تقبلي فائق تقديري واحترامي

[قديم الشوق]

أختي الغالية / عيطموس الطنايا ..

صح لسانك وانا اخوك

قصيدة جميلة من شاعرة عذبة ومبدع

شكرا ً لك من الأعماق

وتقبلي فائق تقديري

أخوك / قديم الشوق

[فهد الماجدي]

صح السانك ولاهنتي يالغاليه

رااائعه يارائعه


تحييه لك


,,

[أكرم التلاوي]

عيطموس الطنايا

صح لسانك ولا هنت ِ

قصيده جميله جدا ً وعذبه جدا ً

أبدعت ِ وأمتعتنا بإبداعك

تحياتي لك ِ وفي انتظار جديدك

دمت ِ بخير

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[سعد الغنامي]

عيطموس الطنايا

مشاء الله عليك

كتبتي قصيده قليل من يكتبها في هذا العصر

ابدعتي مره مره

دمتي متألقه

تحيه عطره لك

[فهد الدباسي]

عيطموس الطنايا

حضورٌ رائع

و نصٌ متميز من شاعرةٍ اعتدنا منها على كل مميز و رائع


صح لسانك أختي

تقبلي تحياتي