يابنت

[فهد حمود الراشد]

ماني عقب فرقاك يابنت ندمان= ما اندم على دربٍ برجلي مشيته
اندم على وقتٍ مضى بالهوى كان= يوم ان عمري في هواكم قضيته
ياما على شانك تحملت الاحزان= وياما على شانك زماني عصيته
ماكنت اطاوع كلمة فلان وفلان= وعند العواذل سرّكم ماحكيته
واليوم ياقلب وقت السفر حان= حان السفر وانسى عشيرٍ هويته
مدام من تغليه في حبكم خان= لاترتجف ياقلب لامن لقيته
لابد يذكرني لامن القمر بان= ويعرف وش اسباب الجفا لاجفيته
عزيت نفسي عن هوى كل خوان= وانهيت دربٍ في هواها بديته

[سعد الغنامي]

فهد الراااااشد

صح لسانك اخوي

قصيده رااااائعه

ويبدو انك نسيت شي فالشطر هذا مما تسبب في عدم اتزانه

((واليوم ياقلب وقت السفر حان))

لله درك اخوي

تحيه عطره لشخصك

[فهد الدباسي]

السمي الراشد



حضورٌ رائع

و نصٌ جميلٌ و ممتع



صح لسانك و لاهنت

تقبل تحياتي

[مشاعل ابراهيم]

((واليوم ياقلب وقت السفر حان))
حــــــــان السفر وانسى عشيرٍ هويته


((لابد يذكرني لامن القمر بان))
ويعرف وش اسبـــــاب الجفا لاجفيته


صح لسانك اخوي فهد
بأنتظار جديدك

تحياتي

[قديم الشوق]

أخي الغالي / فهد حمود الراشد ..

صح لسانك وانا اخوك على هذه القصيدة الأكثر من رائعة

من شاعر جزل ومتمكن ..

شكرا ً لك من الأعماق على هذا الحضور وهذا الابداع

وتقبل خالص تحياتي وتقديري

أخوك / قديم الشوق

[مزون المحمد]

فهد الراشد


صح الله لسانك


تشرفنا بحضور حرفك الكريم


لاهنت

[حماد القريني]

صح لسانك وجاد نظمك

لاهنت ولاهان راسك

تحياااتي

[أكرم التلاوي]

الأخ الكريم فهد الراشد

قصيده جميله كجمال روحك

صح لسانك ولا هنت ولا هان غاليك

لا تحرمنا من جديدك

دمت بكل الود وتقبل تحياتي

.
.

شاعرنا الرائع



فهد حمود الراشد

.
.


قصيدة رائعة وشامخة

صح إحساسك ونبضك

ونبع فكرك الذي لاينضب


كل الود لك





إيمان

[فهد حمود الراشد]

اشكركم جميعا على الردود الجميله والكلام الطيب