طيبات المعاميل

[عبدالله العقيل]

ادري قديمه ولكني اعشقها //// اتمنى ان تطيب لكم


بي شوق للدله وصوت الفناجيل
والقهوه اللي النار توقد حطبها


واشتقت للمسمار والبن والهيل
والزعفران اللي يطيب شربها


سلم العرب جيلٍ يعلم بها جيل
مازان مجلس دلته مانصبها


فيها السلام وكيف روس الرجاجيل
ومعها علوم تدور اللي رغبها


فياما انقذ الفنجال بعض المقاتيل
وامن مطاليبٍ تعذر طلبها


صب اقهوه من طيبات المعاميل
وشب نارك فالدفا في حطبها


فبيتٍ بلا قهوه فلا فيه تسهيل
فهي شيمة العربان وايضا نسبها


اخوكم // عبدالله العقيل

[فهد الماجدي]

الغالي العقيل تشرفت في معانقت الفاتنه الف شكر لك على البوح الرائع يارائع



صح السانك ولاهنت والله



تحيه لك

[حماد القريني]

صح لسانك وجاد نظمك

لاهنت ولاهان راسك

تحياااتي

[نواف السعدوني]

أنشهد

والله يابووعقيل


فبيتٍ بلا قهوه فلا فيه تسهيل
فهي شيمة العربان وايضا نسبها



صح السانك واعتلى شانك ولاهنت

تحيتي لك

[( حايره )]

كلمات تفوح منها رائحة الهيل والزعفران

كلمات تنادي بالأخلاق التي أبتعد عنها الناس


عبد الله العقيل

ألف صح لسانك

ولا هنت

[مانع العتيبي]

فبيتٍ بلا قهوه فلا فيه تسهيل
فهي شيمة العربان وايضا نسبها




صح لسانك اخوي



عبد الله العقيل


ولا هنت


طال عمرك

[مزون المحمد]

عبدالله العقيل



سلم لنا هذا الحضور الرائع


دمت بخير

[فهد الدباسي]

جمالها في أصالتها

و تأكد يا عبدالله إننا ماننظر لـ التوقيت

بـ قدر ماننظر لـ روعة القصيدةِ و الشاعر



صح لسانك و لاهنت

تقبل تحياتي

[حمد فرحان]

عبدالله العقيل

وفيت وكفيت

ولاهنت

قديمك نديمك

تحياتي واعجابي

[عبدالرحمن بن عمير]

عبدالله العقيل


صح لسانك ولاهنت يالغالي .

قصيدة رائعة وجميلة جداً .


دام نبضك بروعتة على الدوم .

ودمت بخير