علي الحرام يسوقني يمك الداهر ..!!!

[نايف الروقي]

بسم الله الرحمن الرحيم

بسيطه تتوسل صفح ذائقتكم
لكم حسنها ولي مثالبها

يسوقني يمك الداهر!!!!!!


تنامين وانفاس المرايا مـن التحنـان
تشب الوله في ناظري والغـلا ساهـر

***
ترد النظر للوصل من دمعـي الهتـان
وجليد التجافي يصهره نفثي الصاهـر

***
وانا لو كنيت الحب تفضحني الاعيـان
بعيدا عن الحرمان قدم المـلا ظاهـر

***
عسى حوبة الزله مادام اجنحت بلسـان
اصير ببحرها السابح الغاطس الماهـر

***
واجيب الدرر واشكالها تلفت الاذهـان
زمرد مع الياقـوت قدمتهـا مجاهـر

***
هدايا رفيعة شان تهدى رفيعـة شـان
وشان الموده شـان ياحبـي الطاهـر

***
وانا لوبغيت انساك جاني عليك جنـان
علي الحرام يسوقنـي يمـك الداهـر

***
ما افكر طويت الغير في صفحة النسيان
فشل وصلهم والا معك واقعـه باهـر

***
سيوف التغلي تذبح الهايـم الولهـان
وانا اخاف تذبحني بسيف الغلا الشاهر

***
بكيفك تبي تنسى البدايـه , اقـول الان
احساسك صحيح وحبنا قادمـه زاهـر

***
ياعمري وعمر الظرف مايقهر الشفقان
على الوصل قادم ماقهر همتي قاهـر

***
بعذر الورود تموت والمقبـره بستـان
وعذر الصدود تعيش في ضفة الناهـر

***
مادام الخطأ(شفاف) يلعن ابو الفستـان
نثر ماستر قدم البشر خافـي الظاهـر