فالتحليه عند ابن حمران!!

[منور العوني]

الزين شفته ياأبن خشمان=ماأظن قدشفت أنا زيه
فالتحليه عند أبن حمران=قابلت أنا صافي النيه
اِلا كشف وجهه الفتان=كن القمر منبعث ضيه
كنت احسبه من أهل لبنان=بس البنيّه سعوديه!
أللي بصدره كما الرمان=وخدوده خدود ورديه
والعين من وسعها ميدان=يازين عين السنافيه
ومبيسمه فستق السودان=فيه العسل زايد شويّه!
والعنق ماشاالله الرحمن=طوله يجي طول جنبيه
والعود كنه عويد البان=يلفّه الشوق فيديه
اللي يضمّه وهو بردان= حرارته تآصل الميه!!
أروح يمّه وأنا طفشان=ولاجيت أم الرومنسيه
أرجع وأنا منبسط فرحان=وأقول:يافيه حنيّه
تقول: ( أشّبك ياتعبان) =أشّبك في مشبك يابنيه
أنا بدوي ساكن الصمان=ماعشت عيشة رفاهيه
وأنتي بجده مع الحضران=وأبوك هامور في حيّه
يامل قلباً غدا نيشان=والحب مافيه مآويّه
لو شفتها ياولد خشمان= مشيت من (ظلم) رجليه

[نايف المحينيش]

منور

منت صاحي

وش موديك جده

وانت بالصمان


:)



اقول

صح لسانك


ترى لي مرور ثاني وتعقيب اخر

بس انا ترى متعجب من شي واحد


وش دراك ان ابوها هامور هههههههه


<<< مايداني سيرة الهوامير


لاهنت والله يامنور

[الجـــــوهره]

أخوي منور


الله الله الله


صح لسانك مليوووووووووووون ولا هنت



أبدعت يا مبدع


لك تقديري و إحترامي

منور العونى

صح لسانك ملايين

رائعه بروعة حضورك البهي

دمتي ودام ابداعك ولاهنتي


لك إحترامي وتقديري


نغمـ

[مـــــلاذ]

منور العوني


عذب والله


صح لسانك يالغالي


بالغ الود

[حماد القريني]

صح لسانك وجاد نظمك

لاهنت ولاهان راسك

تحياااتي

[محمد الفرحان]

سأعود يامبدع

[منور العوني]

نايف المحينيش

صح بدنك

وجده غير ومرورك غير

وتراني تبت ماعاد اروح لجده
الا اذا بتخاويني

تحيات

اخوك

[بسـام بن عبدالعزيـز]

منور



صح لسانك

ما تنلام كان هذي وصوفها

تسلم يمينك



احترامي

[نواف السعدوني]

منور


الله يكون بعوونك

يالقرم ماتنلااام


تزووج ابرك لك


صح السانك وابدعت ولاهنت


تحيتي لك

السعدوني