مع الشاعر نهار بن ممدوح ومساجلة خفبفة

[محمد الفرحان]

.

.

الشاعر نهار بن ممدوح شاعر مميز وشيخ بكرمه واخلاقه وانا من

اشد المعجبين به ولااستطيع مجاراته ولكنها كانت محاولة للعب

مع الكبار ..

.

.


كتب هذين البيتين :


احب اغرد بس مانيب عصفور = انا نــداويٍ كفــوفــه شطيره

بس الزمن قيّد هل الصيت والشور = وصارت به اليمنى الطويله قصيره


فأرسلت له :


نهار بن ممدوح بالشعر مخبور = دايم علومه نيراتٍ سفيره

شاعر مثالي بس ماهوب مشهور = ( ويالله عسى في تالي الامر خيرة )


فرد علي :


يا محمد الفرحان مشكور مشكور = شهادتك جتنا بوقت الظهيره

والشهره اللي قلت من دونها سور = والواسطة صارت تلمع منيره


فكتبت له :


العفو يااستاذ / بالشعر دكتور = كل القوافي في دروبك اسيرة

الواسطة لو طيرت كم مغرور = يجيه يوم وينتكس من مطيره


فرد علي :


صحيح بس مايقتنع فيك جمهور = حتى تلمّع في قناة الجزيره

لو كان شعرك ناتجه يزرع البور = ورد وعبق ريحان يُجهل مصيره


فكتب له :


يبقى الشعر في كل الاحوال منصور = الناس تعرف ساميه من حقيره

وانا لبو ممدوح من ضمن جمهور = نحفظ تغاريده ولو هي قصيرة


فرد بهذين البيتين :


تسلم يا ابو فرحان وبليس مدحور = متشرّفن بك يانقي السريره

معك الشعر يختال فرحه ومسرور = خليت له يالكفو معنى وسيره


.

.


للجميع فائق تقديري واحترامي

[بروق السحايب]

الله الله

مساجلة رائعة وطريفة

تعكس تبادل الصدق والمحبة بين الأصدقاء

صح لسانك محمد الفرحان

وصح الله لسان الشاعر المميز نهار بن ممدوح

وشكرا لتدويناتك أبو مفلح في منابع لمساجلاتك مع الشعراء

[ذكرى للأبد]

كالعادة شاعرنا العذب /محمد الفرحان
دائما تتحفنا بكل ماهو مميز وممتع
صح لسانك ولسان الشاعر /نهار بن ممدوح
مساجلة ممتعة وخفيفة
لاعدمناك ابومفلح

[محمد الفرحان]

.

.

الاخت العزيزة

بروق السحايب

الروعة كانت في حضورك وردك

الذي يعكس جمال روحك

.
.

لاعدمت تواصلك

.

.

تقبلي فائق تقديري واحترامي

[بسكوته]

تسلم يا ابو فرحان وبليس مدحور = متشرّفن بك يانقي السريره

معك الشعر يختال فرحه ومسرور = خليت له يالكفو معنى وسيره


صح لسان قايلها

[العف الخجول]

وجدت هنا موضوع وطرح شيق
ورائع اعجبني ورآق لي
شكراً جزيلاً لك .

[نداء الذات]

يسلمو هالآيآآدي

ماننحرم من عطر جديدك

ودي ..!