اذبحي روحي على كف الغلا واحييني

[مشاهد العتيبي]

ذبحي روحي على كف الغلا واحييني
ـــــــــــــــــــــــــياهنوفٍ حبها سيطر على وجداني
وان تواجهنا بعد طول البطاء خليني
ــــــــــــــــــــــــ اشبع عيوني نظر من عودك الرياني
ايتغزل في عروقي لين يخجل عيني
ــــــــــــــــــــحبك اللي من سويدا القلب لشرياني
وكان شفتيني سرحت مع الهدب صحيني
ــــــــــــــــــــ قبل يسرق رمشك الجذاب شوف اعياني
اقربي بين المعنق والنحر حطيني
ــــــــــــــــــــــــــبين وردٍ ماذبل في داخل البستاني
وان عطشت لثغرك المعسول منه اسقيني
ــــــــــــــــــــــ لو عسل شفتك مايروى منه عطشاني
انثري ليلك وبطراف المساء غطيني
ــــــــــــــــــــــــــــوكفكفيه ليا غفيت بكفك الملياني
ايه احبك يابعد قلبي وفرح سنيني
ــــــــــــــــــــــــــــلك غلا بين الضلوع مشيدٍ بنياني
جعل وقتٍ يجمع قلوب الغرام يحيني
ـــــــــــــــــــــــــ والجفاء والصد يبطي وقتها ماحاني
المشاعر فايضه ياغايتي ضميني
ـــــــــــــــــــــــ واسمعي ماتنتج اقكاري بنطق لساني

[بسكوته]

الله يعطيك الف عافية

[قديم الشوق]

مشاهد العتيبي

صح لسانك يامبدع

شاعر مميز وعذب

ويستطيع عسف المفردة بكل إمتاع

لي ملحوظة فقط على هذا الشطر ففيه ثقل واضح :

جعل وقتٍ يجمع قلوب الغرام يحيني


وأجزم أن شاعر بحجمك يستطيع تجاوز هذا الثقل بدون تكلفة

نتمنى أن يستمر هذا التواصل العذب معنا

وتقبل فائق تقديري واحترامي

[العف الخجول]